الي تعرف تساعدني

الاخت امال السلام عليم
هي دي طريقة المنتوا طويلة شوية وصعبة شوية لاكن انتي قدها
* مقادير العجينة :
2/ باكو دقيق / ملعقة صغيرة ملح / ماء للعجن .
* مقادير الحشوى :
نصف كيلو لحمة مفرومة ضاني / 4 بصلا ت كبيرة مفرومة فرم ناعم / حبة طماطم
ملعقة ملح / ملعقة صغيرة فلفل اسود .
الطريقة :
العجينة : انخلي الدقيق واعجنيه بالماء والملح اتركيه لمدة ساعة .
الحشوة : اخلطي المقادير كلها .
* قطعي العجينة قطع صغيرة في حجم اليمونة الصغيرة .
* افردي العجينة بالنشابة وا المكينة على ان تكون العجينة خفيفة جداً زي الرق
حطي مقدار نص ملعقة اكل من الحشوى واقفليها على شكل السمبوسك يعني نصف دائرة وبعدين اقلبي الحبة وخلي مكان القفلة من فوق وجمعي العجينة بيدك00 وطلعي الزايد من العجينة .
* رصي الحبات في قدر المنتو الخاص بعد ما تغمسيها في الزيت .
* عبي القدر التحتاني بالماء وحطي على النر الين يفور وبعدين حطي الطبقة الى فيها حبات المنتو قبل ما تحطي الغطى رشي حبات المنتو بالماء وغطي واتركيه على النار لمدة ربع ساعة ورشي تاني وبعدين كمان ربع ساعة ورشي تاني واتركيه الين يستوي يحتاج من الوقت ساعة ونص .

جزاك الله الف خير بصراحة ماتوقعت الرد بهذه السرعة وبالعكس الطريقة سهلة بس عندي سؤال اللحمة تكون مطبوخة عند وضعها في العجين والا نضعهها زي ماهي وتستوي في نفس القدر
ودمتي

الاخت امال يعطيك العافية : اللحمة لازم تكون غير مطبوخة تنطبخ داخل العجينة .