حلى " الكيت كات " مسكت .

السلام عليكم ورحمة الله وبركاته ،
هذا الحلى صراحه مسكت عليه طعم انما ايه .
المقادير :
نص كاس حليب جاف /// 3 م كاكاو /// 3 فناجيل سكر
علبة قشطه /// بسكوت شاى /// فانيلا
الطريقه :
تخلط جميع المقادير في الخلاط ، ماعدا البسكوت طبعا !
واذا انخلط تصبينه في صحن وبعدين تاخذين البسكوت
وتغمسينه في الخليط ثم ترصينه بجانب بعض على كيس
ويكون الكيس مقصوص من الجهتين بحيث يكون الكيس
طويل ، وبعدين تلفينه على بعض" الكيس طبعا " بحيث انك
تضمنين انه ماراح تطلع الخلطه وترصينه رص جيد، وبعدين
تدخلينه في الفريزر لمدة ساعه ونص ، واذا حسيتي انه جمد
تطلعينه وتقصينه قص مائل وبعدين تصفينه " وقبل ما تصفينه
تذوقينهواذا اعجبك تدعين لي واذا مااعجبك الله اقوى بس برضه تدعين لي "

شوفي ياأخت لينا كيفش واحوالش ,,,,,,,,,,,,
الحلى عاجبني وحطيته براسي ازا مافي تكليف
توضحين كيف نلفه على بعض؟ وشلوووون قص مائل
معليش حبيباه تحملونا شوي لا شويتين
موهيك يا شام**********************

------------------
اذا ماخلوت الدهر يوما ...فلا تقل خلوت ولكن قل علي رقيب

هلا لانا...
الحلى شكله حلو بس ممكن أسأل عدة أسئلة:
1- كم علبة بسكوت شاي؟؟؟
2- كم ملعقة فانيلا؟؟
3- ملاعق الكاكاو هل كبيرة أم صغيرة؟؟
4-كيف أرصه بجانب بعض على كيس .. هل يعني إني أفرش كيس وأرصه عليه أم لا؟؟
5- كيف يكون الكيس مقصوص من الجهتين؟؟
6- كيف ألفه على بعض؟؟
7- كيف أقصيه قص مائل؟؟
أنا أتوقع أنك الآن تتمنين أنك ما كتبت هالطبق...
ـــــــــــــــــــــــــــــــــــــــ
الطباخة الممتازة :وردة جورية

السلام عليكم ورحمة الله وبركاته ,
وشدعوا ياحافظ ، وراه اتمنى اني ماكتبته
بالعكس انا افرح اذا كتبت شي ولاقي فيه احد معبرني
مو اكتب ولا مااكتب كله واحد ؟
الاخت " مرام " انت من وين بلا صغرى
احس من كلامك انك من عسير صح ولا انا غلطانه ؟


نرجع لسالفة الحلى ، شوفوا يااخواتي الكريمات
بالنسبه للبسكوت علبة بسكوت ، او اكثر اذا كنت تبغين كميه
كبير ،لانه راح يبقى عندك كميه من الخليط ورا تضطرين انك تكبينه على البسكوت من فوق اذا صفيتيه .
بالنسبه للفانيلا اذا كان عندك ولا مهوب لازم ، وتحطين منه
شي بصيط يعني نص م ص .
اما الكاكاو حيكون 3 م ك مليانه .
OK
وبعدين ياعزيزاتي راح تجيبون كيس بلاستيك ، وطبعا الكيس
مسكر من جمع الجهات ، فترحون تقصونه بالمقص من فوق لتحت ، اي من جهت المساكه الى القاعده وانتبهوا لاتقصون القاعده ، وفي النهايه تفرشونه على الطاوله وحيكون شكله
زي السماط طيب ، وبعدين تروحون لاول الكيس وتتركون مسافه
وتغطون اول بسكوت وتوقفونه ، وبعدين توقفون طرف الكيس المسافه اللي خليتوها على البسكوت وتمسكون البسكوت بها
طيب ، وتصفون باقي الكميه واذا خلصت الكميه , طبعا راح
يبقى عندك مسافات من الكيس ، راح تلفونها على بعض كأنكم
قاعدين تلفون هديه طيب ،وفي آخر شئ راح يكون شكلها كأنها علبة بسكوت مابعد انفتحت ومسدوحه مو موقفه .
بالنسبه للقص
اذا طلعتيه من الفريزر ووخرتي الكيس عنه تبدين تقصينه على شكل مائل بحيث تكون في كل قصه كذا بسكوت واقف .
ارجو اني قدرت اوصل المعلومه لكم .
واذا مافهمتوه قولوا لي وانا في الخدمه .
وسلامتكم .

اهلين لنا
بصراحه تعبناك معانا بس للاسف انا فهمت لحد حكايه الرص ..شوفي انا فهمت انه البسكوت ما نسدحه نخليه واقف وهكذا الى نهايه الكميه وبعدين كيف تقطعه على شكل مائل وهو بسكوت مربع يعني ما راح يطلع شكله مثل الكيت كات ولا كيف بسرعه لاني نويت اسويه ..؟؟؟؟؟ واسفين على الازعاج