السلام عليكم ورحمه الله وبركاته
صباحكم رضى الرحمن
كل عام وانتم بصحه وسلامه ومبروك عليكم الشهر الفضيل
رجاء خاص لا ينقل الموضوع ولا يطير ابي الكل يدعي لها
ماعندي موضوع .. تقدرون تقولون مضغوطه نفسيا وتعبانه ودي اسولف .. وقبل شوي قريت موضوع لوحده من البنات تسال لو فقدتي احد هل تحتفظين برقمه ورسايله وجت على الجرح ..آآآآآآآهـ بس
بنات عمر التخلص من الاشياء الي تربطنا بغالي ما تنسينا او تخفف علينا فقده لان الالم موجود بالقلب والفقد ملازم رحيل هالشخص مو مربوط بالاشياء الملموسه ..
امي الله يرحمه ويسكنها فسيح جناته توفت من سنتين ونص للان محتفظه برقم جوالها وادق عليه احيانا ليه مدري يمكن اتوقع بترد علي احس رنه جوالها غير ..مع انه يقول غير موجود بالخدمه بس غصب لا تضايقت ادق لافرحت ادق لا اشتقت ادق كان اخوي يسدده وتاركه عنده من كثر مادق رحمني وخلاهم يفصلونه ..ماعندي منها رسايل لانها ماكنت تقرى وتكتب .. بس عندي صورتها يوم زواجي ماكانت تحب التصوير وتتصور غصب الا يوم زواجي صورت عشاني وهي راضيه تبي تفرحني .. عندي فستانها الي لبسته يوم زواجي وانا اخترته لها .. عندي شلحتها الروز الي كانت تلبسها وقت النوم .. عندي عطرها المخلط الي كانت تتميز فيه .. عندي شريط مسجله فيه قصص لي بصوتها وانا عمري 7 او 8 سنين كانت تقص واصحح لها القصه .. عندي تعليقه لها وخاتم شرقيه ورثتهن من جدتي وانا احتفظت فيهم برضى اخواني وخواتي .. ولوتخلصت من كل ذولي عندي!! لها ذكريات صوتها وضحكتها وحتى تالمها وقت مرضها ووفاتها محتفظه فيها بذاكرتي بالله هذي كيف اتخلص منها ؟؟ بالله كيف انسى اخر ايام قبل سفري وكانت تبتسم وتدعي لي وتقولي روحي مع زوجك الله يوفقك والحزن باين بعينها .. كيف انسى لقائي فيها بعد سنه من سفري وهي على سرير المرض وبدايت دخولها الغيبوبه .. كيف انسى لحظات المها .. كيف انسى ذكرياتي لها الي مخزنه بداخلي من طففولتي ؟؟ عمر التخلص من هالاشياء الملموسه ما بينسيني .. بالعكس لاضاقت فيني الدنيا رحت اضم شيلتها وابكي واشم عطرها وريحتها .. لافرحت طالعت صورتها وبستها وكلمتها لا زعلت رحت سمعت شريطها وسباحينها وضحكت على نفسي وانا اصحح لها قصه هي قاصتها لي قبل وتقولي اسكتي خل اكمل ولا ما بسجل لك ولا شريطها وهي جامعه اولادي واولاد اختي تسوللف معم وهم اطفال تسجل سوالفهم ومبسوطه فيهم وشقاوتهم تبيها ذكريات لهم وصارت ذكريات لها ..
يايمه الدنيا بدونك ولا شي الدنيا والناس ضاموني من بعدك الحزن سكن فيني ليتك ماقلتي روحي مع زوجك وجبرتيني ليتك تركتيني اخر سنه بحياتك اعيشها تحت رجولك تمنيت اخر نفس لك يكون بين ايديني بفقدتك يمه فقدت الظهر والسند والعزوة .. اشتقت للمستك وضمتك ودعوتك حتى لخناقك وعتابك .. يايمه اعطيك عمري واعيش معك يوم واحد.. يايمه ندمت عن كل ساعه كنت فيها بعيده عن كل دقيقه تثيقلت جلستي حولك عن كل ثانيه عشتها بعيد عنك على كل صبح صحيتيني اتقهوى معك وكملت نومتي عن وعن وعن وش اقول وش اخلي يايمه ..يايمه بعدك كم تمنيت موتي كم تمنيت اتساوى مع الارض اقل شي ارواحنا تلتقي ..وصيتهم لامت يدفنوني بمقبرتك.. يمه تصدقين ان ولدي الي يوم اسافر عمره سنتين وشهرين ولا يعرف زين بعد وفاتك صار يعرفك وكبر وبيدخل المدرسه وكل فترة يسالني ماما حبيبه ماتت وليه ماتت وكيف !! وولدي الكبير للان يقولي ماما حبيبه كان عندها دولاب فيه حلاو كل يوم تفتحه تخليني اخذ مانساك الصغير الي ماوعى على الدنيا وكيف انساك !! يايمه عيني من بعدك بدت تفقد نظرها والقلب شاب قبل الراس ..يايمه كل عيد يمر اعاتب زوجي ليه ماخلاني اعيد معك ووعدني العيد الي بعده ورحتي وانا ماعيدت معك ..كل رمضان يمر اتذكر ايامك وفطورك وعشاء والدينك .. كل ساعه تذكرني فيك وكل يوم تركتي فيه بصمه بحياتي .. عشتي حياتك تعب وهم عشاننا .. تعبناك صغار واشقيناك كبار شلتي همنا صغار وهم عيالنا كبار ماشفتي يوم حلو لامع ابوي ولا زوجك شربتي المر عشان نرتاح..وش اذكر وش اخلي ياغلى البشر .. سامحيني مازلت محتفظه بصورتك ماقدرت اتخلص منها .. وعمري مانسيتك ولا خواتي نسنك وكيف ننسى والغريب مانسى وكل مانجتمع نذكرك ومازلنا نسوي الاشياء الي كنتي تحبين نسويها وحتى اولادنا علمناهم يذكرونك ويدعون لك حتى الي ماوعى عليك ..
ماعاد اقدر اقول اكثر الدمع احرق العين والخد والقلب ينزف ..منا قادره انسى او اسلى كل شي يذكرني فيها ,,
ارجوكم ادعو لامي بالرحمه والمغفره وان الله يجمعنا فيها بجنته ..الله يصبر قلبي ويهون علي وعلى خواتي ..
الله يرحمك يايمه ويبدلك دار خير من دارك وزوج خير من زوجك اللهم اسكنها فسيح جناتك واجعل قبرها روضه من رياض الجنه وارزقها جنتك واجعلها تتقلب بنعيم جنتك مع الصديقين والشهداء وبدل عناها راحه وحزنها سعاده وهمها فرحا واجمعنا فيها بمستقر رحمته كما جمعتنا فيها في ارضك ...اللهم امين واموات المسلمين ..
فقدتك يمه فقدتك يمه فقدتك يمه
سجلت هنا بعد وفاتها باسبوعين
بنات طلبتكن ادعن لي احمل واجيب توام بنات كاملات خَلقا وخُلقا ويستر عليهن وان ربي يهدي زوجي ويسخرة لي ويصلح لي عيالي ويحقق لي الي في بالي ,, نفسي يكون عندي بنات ادعولي بهالرمضان وان ربي يربط على قلبي ويصبره على فراق الغاليه
فقدتك يمه @fkdtk_ymh
عضوة جديدة
آآآآآآآآآآآآآه يابنات وش اقول وش اخلي..جرحي الي عمره مانام صحى..وينك يمه عني" / قديم
295
36K
هذا الموضوع مغلق.
حبي زوووجي
•
الله يرحمها ويرحم والدي
بنات نصيحه كل وحده امها موجوده تقبل راسها ويدها ورجولها وتتقرب منها قبل يفوت الوقت لان ما يعرف قيمة الام الا فاقدها صحيح عشت وقت طويل بعيد عنها بس وجودها كان مصدر راحه وسعاده لي مع كل المصاعب والشقى الي عشته وعاشته ..
يارب انحرمت منها صغيرة وفقدتها كبيره لا تحرمني قربها بجنتك بدار قرارك ..
يارب انحرمت منها صغيرة وفقدتها كبيره لا تحرمني قربها بجنتك بدار قرارك ..
الله يرحمها خنقتني العبرة اسال الله ان يجعل قبرها روضة من رياض الجنة وان يسلي قلبك بعد فراقها ويصبركم
الصفحة الأخيرة