آآآآآآآآآآآآآه ياجده ياترى السما فيها غيم اليوم

ماعندي مقدمات ..




كل يوم افتح الشباك اطالع في السماء ولمن اشوف غيم احط يدي على قلبي وادعي ربي يصرفه عنا ...



يوم غيمت يوم الاربعاء الماضي قمت ادعي يارب نزلنا المطر وفرحت وكنت اسمع صوت المطر وادعي ربي يزيد الخير


الحمدلله رب العالمين

يابنات انا من اهل جده ومدينتنا مهدده والله وحده يعلم بالاسباب هي اهمال وتسيب ولا ايش بالضبط

عروس البحر الاحمر حضنت اللي بالشرق والغرب ومن الشمال ومن الجنوب
عروس كانت كل صيفيه تلبس الزينات تستنى المصطافين والسايحين
تفرش لهم وردها وترقص لهم امواجها وتعطرهم بنسايمها
يعيش فيهم كل البشر من كل الجنسيات
فيها قبر امنا وجدتنا حواء
مدينة التاريخ والحاضر مدينة من الماضي لابسه فستان المستقبل
مدينة الفرح وكل من جاها جاها لفرح
سكنوها الفقراء واغتنو وصارو من كبار التجار
سكنوها طلاب العلم واثرو علمهم من جامعاتها واساتذتها
سكنوها العباد والمعتمرين والحجاج لقربها من مهوى الافئدة
مدينة لا توقف فيها الحياة
وقلوب الناس تهواها وسكانها يزيدون بالالاف رغم انهم صارو بالملايين
كيف تعطيهم قلوبهم ينسوها يهملوها .. مايبالون فيها
الحياة جده
البلد جده
السعوديه جده
ايش سويتو في جده
وايش قدمتو عشان تعيش جده اللي عيشت البشر من زمن امنا حواء

قلبي يتقطع وعيوني غرقت بدموعها قبل غرقك ياجده
يااهلي وناسي وفرحي وحلمي وعمري ياجده

آآآآآآآآآآآآآه ياجده