آآآآآآآآآآآه يا بنات الحقوني بموت من القهر

دخلت على امي لقيتها جالسه تبكي جلست احلفها واقولها ليش تبكي ايش في ايش صار تقولي ولا شي انا بس متضايقه وقالت لي خلينا نخرج اليوم نتمشى انا وانت بس نروح نجلس في اي مكان انا قلت لها طيب اختي اليوم بتمر علينا ونخرج كلنا قالت لا ماابغى احد احنا الاثنين بس

انا استغربت وقالت لي لا تقولي لاحد ان بكيت

المهم كلمت اختي وقلت لها لا تيجي اليوم لان ماما طفشانه وتبغى نخرج لوحدنا


قالت لي اختي انا عارفه ايش فيها قلت لها ايش صار

قالت لي انا كلمتها في الليل وقلت لها ان في عريس اتقدم لبنتي ( بنت اختي ) من طرف وحده صحبتها و وهي ما تبغى تقولي عشان انا لاازعل اني لسه مااتزوجت

تخيلوا ياناس الموقف بنت اختي الوحيدة يجيها عريس وانا مااعرف عشان لا ازعل ليش كده


لها الدرجة انا صرت عبء وبدل ما يفرحوا ويقولوا يكتموا على الخبر


والله اني بموت من القهر وقلت لاختي ليش كده قالت لي انا ماابغاكي تزعلي ايش الا يزعلني من القهر قفلت معاها السماعه


مو كل صحباتي اتزوجوا وخلفوا وانا لسه

ليش التفكير هادا والله جالسه ابكي ما ني متخليه الا صار


وماما اكيد زعلانه علي مع اني الحمد لله حلوه ومتعلمه وموظفه ومره شياكه

والله يمكن تفكيري في الزواج عشان اريح ماما واطنها عليا ودايما ادعي بالزوج الصالح الا يريح قلبي انا وامي ومايكون زواجي فيه شقا لي ولاهلي

الا قاهرني ان هادا اختي الوحيدة وهي الا مربيتني وكل يوم وانا بالساعات معاها في التلفون وما في بيننا اي اسرار لا زوجها ولا عيالها حتى لما يسافروا اروح معاهم

وهيا قالت لي ان في وحده من صحباتها تبغى تخطب لولدها وانا مره عادي بالعكس بقول لها يالله ان شاء الله اذا فيه خير ابوها يوافق لان هي لسه ثانويه عامه

بس اتفاجات لما قالت لي كده خفت عليكي قلت لها ليش انا ابش فيا عشان تقوليلي كده والله حسيت ان كل العبر فيا

آآآآآآآآآآه

الحمد لله على كل حال