آآآآآآآآآآه من بيتي يابنات كرهته ومابليد حيله وين القى بالرياض موكيت معقول السعر

طبعا بتي الايام اللي فتت انفجرت فيه انابيب المغسله حقت الحريم وغرقت مدخل الحمام حق الحريم وحقي انا وعيالي واضطرينا نجيب سباك وضبطها وشلنا كل الموكيت اللي كنا فارشينه بسبب البلل والريحه اللي تقرف الله لا يوركم

انا بيني وبينكم كاره بيتي من زمان لانه شقه تجيب الهم وودي اغير كل الموكيت والرجال مو راضي:44:

جابلي لبمرض وودي اغير المدخل الاساساي عند الباب
والممر اللي فيه مغسله الحمام الاساسي
وممر مغسلة الرجال
والغرف غرفتي للنوم لو تشوفونه من عصر الفراعنه بس الحمد لله انا محافضه عليها مافيه ادراج مكسره ولا شي بس شكلها وبون ه يلوع الكبد
وغرفة عيالي هي نفسها غرفة الغسيل وغرفت البطاطين والمفارش الزايده للضيوف
وطبعا الصاله
والمقلط وهو نفسه غرفة العاب اولادي وش اسوي المكان ضيق تعودو المساكين على السعه عند اهلي بالديره
وطعا مجلس الرجال وش رايكم
كم بكلفني موكيت وش تقترحون علي موكيت
وابي انا اسوي بويه للمدخل اللي عند الباب الخارجي كيف اسويه

بس ابي اشياء رخيصه وبمتناولي اشتريها لان اللي عندي عله مايبي يصرف :icon33:
وبصراحه عاذرته هاليومين ضروفنا سيئه بس مستحيل يضل البيت كذا
بحاول بسماعدتكم انفضه نفض