آآآآآآآآآه ياقلبي

السلام عليكم
هاي مشاركتي الاولى واتمنى الاقي صدور رحبه تواسيني
من شهر اكتشفت ان بنتي الصغيره 5 سنين فيها السكر ومن يومها وانا تعباااااااااانه
نفسيتي متحطمه صرت ما احب اضحك ولا اسولف
لا ليلي ليل ولا نهاري نهار
اهمات زوجي وعيالي الباقين ونفسي واهلي وكل شي
وصار همي الشاغل السكر السكر السكر
ما اقرا الال عنه ولا اتكلم الا عنه ولا افكر بشي الال السكر
الليل ما انامه كل شوي اشوفلها السكر اخاف اييها هبوط صرت اخاف عليها من كل شي حتى نسمه الهوا
صرت ما اطلع من البيت وعصبيه وحساسه
انا راضيه بكتبه رب العالمين بس صدمتي كبيره وخايفه عليها واااايد
حتى لدرجه انني افكر ما اشتغل
الحين انا عندي اجازه وافكر ما اداوم اخاف اتندم انني خليتها واهملتها
مع انه الواحد باالله يحصله وظيفه في هالزمن
مرات اقول هي مصيرها تروح المدرسه بعد كم شهر يعني قعدتي في البيت ما منها فايده
ومرات اقول لا احسن انا اتابعها بروحي وما اعتمد على الخدم
شورو علي مب عارفه
وياليت اللي عندها تجربه تخبرني عنها(الله يبعد عنكم كل شر)