آآآآآآآآه من اسهال بنتي الي ماوقف

لحقوووني طحت من السماء وانتو لقفتوني
بنتي صار لها اسبوع والاسهال ما وقف ثلاث اربع مرات باليوم
وكله ماي ماي ماي الي تاكلها ما تطوف ربع ساعه الا نزل اسهال
شاسوي اعطيها املاح كل يوم اربع خمس مرات وسويت لها ماي العيش
وزاعته كله ورديت خلطته مع الحيب وزاعته بعد ؟
انا خايفه عليها وكل ما اتصل بالدكتور يقول لي خفيفي الحليب وكثري من ماي الاملاح
وبيوقف ياربي صار لها اسبوع وما تغير شي شاسوي ؟؟
قلت يمكن من ضروسها يقولون من السادس تطلع ؟ بس ما جوف شي ناط؟
المهم ابي حل مفعول مجربينه يوقف الاسهال رجااء
تعبت لاعت جبدي وانا انظفها وصيام والحاله حاله نفسيتي تعبت ..
هذا غير ان الحفاظ ماايوود الوصخ؟ كله يطلع وتلعوز ثيابها
ياربي تعبت انا ام جديده ماهقيت ان الاسهال متعب جذي والله قلبي معورني على بنتي
احسها تعبانه وعينها داشه داخل وما تاكل وكله تصيح وينها قبل مرحه وتضحك؟
الحين ما تضحك وكله مبوزه وتصيح ؟؟
ساعدوني ترى بنتي ضعفت واايد شرايكم ب6.800 كيلو وهي مكمله خمس شهور؟
قولو لي شنو ااكلها عشان ترد عافيتها ارجووكم
والله والله والله كل بنت بتنصحني بشي بسجل اسمها وبدعي لها آخر الليل والله

لا تطنشووني رجااء