آآآآآه ياربي مكسوره مكسوره مكسوره

السلام عليكم ورحمة الله وبركاته
بدخل في الموضوع على طول
عائلتنا مكونه من بنتين وثلاثة أولاد , يمنيين من أصل حضرمي
حالتنا المادية مستورين بفضل من ربي.
لما كان عملري23 سنه كنت احلم بالفستان الأبيض والطرحة وطفل بين أحشائي . يتقدموا أشخاص بس ما يتم النصيب
اراد الله و تزوجت أختي الأصغر مني بـ 3 سنوات.
فرحت لها ساعدتها في الدبش أهديتها وغنيت ورقصت , في فرحها كانو الناس يطالعو لي بنظرات شفقه لدرجة وحده تضمني وتبوسني وتقولي لا تزعلي نصيبك بيجيك .
لما صار عمري 27 سنه تقدم لي شخص من اقاربنا , مواصفاته جدا عاديه غير انه سعودي وهذا شرطي الأساسي.
شرطه الوحيد نسكن مع أمه بنفس الشقة بحكم انه ولدها الأخير , ما سألنا عنه ,امه صاحبة ماما اكثر من 30 سنه
تزوجته وما كملت معاه 3 شهور , ما عنده أي استعداد لتحمل المسؤؤلية غير ان امه عمتها الغيره وضايقتنا وقذفتني في شرفي وسبت ماما اللي هيا صاحبتها وتقفل المطبخ وطردتنا من البيت اكثر من مره وارجع بس رابع مره لا .
تخيلو دا كله صار في 3 شهور بس .
رجعت بيت اهلي كان يزورني واحيانا ينام في بيت اهلي . عرفت اني حامل طلب مني ارجع لبيت امه هنا رفضت , اتنازلت عن ابسط حقوقي وقولت مستعده اسكن في شقه لو في ملحق وغرفتين رفض بحجة ان ظروفه الماديه ما تسمح , عرض عليه زوج خالتي شقه في عمارته 4 غرف لمدة سنه لما تتعدل ظروفه رفض عزة نفسه ما تسمح له .
وسطنا اهل الخير ولجنة الاصلاح بس ما كان يتجاوب معاهم
هنا بدأت المشاكل وانقطعت العلاقات . اهلي مسالمين وما يحبو المشاكل .
من الشهر الاول لما التاسع في بيت اهلي. طلقني قبل ولادتي بشهرين , طبعا اهلي ما قالولي خايفين عليا . عاشر يوم بعد ولادتي زارونا عمات ولدي لمدة ساعه ويومتها عرفت اني مطلقه .
اتأقلمت مع وضعي خصوصا اني انشغلت مع صغيري اللي ملا عليا كل حياتي .
اليوم عمر ولدي 4 سنوات بدون اثباتات رسميه ولا مصروف.
طلبنا وسطنا اهل الخير كلمنا اخونه واخواته بدون نتيجه , قالت اخته ما لكم الا المحاكم .
قدمت في المحكمه وما كان يحضر وصدر صك بالحكم بالمصروف والاثباتات لولدي .بس باقي التنفيذ
اخذت الصك ورفعته بحكم انه ابو ولدي وربي يهديه ويجيب الاوراق بدون محاكم وفي الحقيقه كنت احبه لإني ما عرفت غيره وكلي امل انه في يوم نرجع لبعض عشان الطفل اللي بيننا . ما كنت اعرف اخباره .
في رمضان الماضي في العشر الآواخر بالتحديد كلمت اخته ولما عرفتني اعتذرت بالتقصير وبكيت ومدحتني وان اهلك عرفو يربو وسألت عن ولد اخوها وطلبت منها انه ارجع لابو ولدي عارفه ( صعب وجريئه ,ظروفي اجبرتني ),
قالت ابشري ولا يهمك وربي ييسر الامور ويختار الخير لكم .
اتواصلت معاها بدون اهلي ما يعرفو ارسلت لها صور ولدي. زارتنا هيا واختها وبناتهم في العيد ما تتخيلو قد ايش فرحت ,حسيت انه كان يوم خطبتي من جديد . كررو زيارتهم في الحج مع تواصنا على الجوال والواتس .
بعد فتره صارحتني ان اخوها خاطب بس لسه ما عقد وانه لسه في وقت . زعلت واتضايقت وما فقدت الامل
بعد فتره فاجئتني انه عقد وانها زعلت وما صار ذا الشئ الا لحكمه ربي يعرفها .
تري يابنات فعلا لما كلمتها لسه ما عقد عشان لحد يقول ليه ما قالت لك من الاول .
انصدمت وخففت تواصلي معاها .
خلال الاربع سنوات تقدمولي خطاب وافقت على ابو 50 سنه ورفض يبغى سعوديه وواحد بدون وظيفه مستقره خفت من المشاكل وممكن ظروفه ما تسمح انه يفتح بيت ويصرف على ولدي واولاده لانه مطلق وواحد بعد ما خطب قال بيرجع زوجته وغيره وغيره ..... الخ
نرجع لموضوع اختي عاشت مع زوجها المحشش 8 سنوات بدون علم مننا انه يستخدم هذه الاشياء , صبرت عليه وطلقها وكانت النتيجه طفلين . بينها وبين جدتهم ام ابوهم .
بعد سته شهور من طلاقها تقدم لها شخص بمواصفات مثاليه وافقت وتم العقد , الله يوفقها .
بس يا بنات انا هنا انهرت لحد يقولي هذه اختك انا عارفه , والله اني افرح لصديقاتي المطلقات كيف ما افرح لاختي ما شاء الله سته شهور وربي عوضها . بس انا عندي احساس مشاعرشيء كنت منتظرته من اربع سنوات يتحقق لأختي في شهور ما شاء الله ,
ما اتحمل اشوفها تكلمه او يزورها والله يا بنات شئ مو بيدي والله مو حسد بس مو قادره .
خصوصا انه في زواجها الاول اتزوجت قبلي ودحين ملكت قبلي .
لما يباركو الناس يباركو بإسمي على بالهم انا العروسه
مع العلم اني الاجمل بشهادت صاحباتها , اجتماعيه واحضر اغلب المناسبات بس النصيب .
والله يا بنات اليوم عمري 32 سنه ام لاجمل طفل ما انام الا ودموعي على خدي احلم بزوج واستقرار احلم بطفل اخ لولدي قبل فوات الآوان .
لحد يقولي لسه صغيره فين صغيره واللي عمرها 22 تقول عنست .
الحمد لله محافظه على الصلاة وقرأة القرآن والاستغفار والذكر والوتر وقيام الليل .
اسأل الله ان يرزقني الزوج الصالح اللي يسعدني ويحطني تاج فوق راسه انا وولدي .
اللي تفتكرني تدعي لي في ظهر الغيب
آسفه على الإطالة .