آآآآه يـــآآقردي أنا وحظـــــي الأقــشر >> بتبكـون من الضحك

على قولة المثل اضرب سعد يطقع سعدون ) وليش كاتبه بلون ابيض ياحليلك كملي متابعه

هههههه اضحك الله سنتس سالفتن منتازتن بالمره :icon31:
الظاهر مأثره بتس حاره المساطيل

ههههههههههههههههههههههههههههههههههههه

اتسملي اتسملي خخخخ

عدنــــااااا

هلا والله يا حليلك أنتي وحظك

الي ونس احمدي ربك كويس عظك

مو مثلي


منجلط الحظ من مرررة @_@

هع هع

يالله ننتضر التكمله ^^

هلا وغلا بكـل اللي دخـلوا بكمـل لكم >> برآآيفت لمفحطهـ بنـآقه ( لاتستعجـلين ع رزقتس وأفهميها عـآد يالخبلهـ خخخخخ) وهذا الجزء الثـآآني



كبرت مرتن ثانيه وكان الراعي الرسمي ( قوطي نيدو وقرص بالعسل ) ووصلت لنصف المرحلة الابتدائيه وتتكرر معي سالفة الحظ مره اخرى وتجي معي بالصف وحدتن من قرايبنا تصير( خالتي زوجة ابوها الثانيه ) وحظي الاقشر جابني مع هالصعلوكه ( قبحها الله ) لن انسى مافعلته بي مع كل معلمه صف تدخل الينا وفي ذلك اليوم المشؤوم كانت ابلة الرياضيات تحمل مسطره

وتخيفنا اذا لم نجيب ولكني تميزت في هذه المادة والصعلوكه الي كانت خلفي بالصف ذابحتها الغيره بالاصح مني ومن

خالتي ( وجه مبرطم بعنف ) قالت ابله ترى هذي تقول عنتس انك ريحتك معفنه وبناتك وصخات ( وجه مبحلق عويناته ) وانا طقتني البوهه والابله تجي عندي وتسحبني باذني

وانا ماقدرت احتسي وتوديني المشرفه وتكتب علي تعهد ,, أوشكت وبصمت بيديني وكراعيني على ان هذا الحظ الميت لن يفيق ابداً ومع كل مره اتحرى بلوة جديده 



ومرت الايام وجاء اليوم الذي اعلنت فيه النتائج وتخرجت من المرحلة الابتدائيه وانا فرحه اني سانتقل الى

المتوسطه حيث البنات الكشخه والمزايين وبربط شعري ذيل فرس ( والحمار ماله كرت )

وبودع الشريطه البيضاء والقبه وبلبس مريول مخصر ( يازينها من ايام بس ) وبصير عاقله ,, تخيلات وزادت مطالبي وكل مااريد مجاب , ودرست المرحلة المتوسطه الى ان جاء هذاك اليوم المشؤوم وعرفت ان

الحظ لازال يطاردني وبرطمت بعد ان سحبتني معلمة التاريخ للادراة وانا مفهيه وتوجه لي التهم ( تخيلتها بوش على غفله في البيت الابيض ) وتخيلت انهم يلبسوني البدلة البردقانيه واني بالمشنقه

وماصحيت الا على صياحها تقول قولي ايه قلت ايه وليتني ماقلتها طلعت التسلبه متهمتني اني اوزع منشورات ههههههههههههههه ياليتها عاد شي مهم طلع اني مدينه بالارهاب لاني وزعت على الطالبات تلخيص تواريخ المعارك ( وجه يقول اللهم لك الحمد بس )





مرت الايام وتخرجنا من المتوسطه والثانويه وبدت حياتي الجامعيه بسلام بدون أي مشاكل ووجع راس وقلت بخاطري يارب انتهينا من هالحظ واكيد نساني مادريت انه ملبدن يحتري الفرصه لكي ينقض علي كالقطو الاجرب ,, واغتنم الفرصه بعد ان علم باني اخذت وثيقة التخرج واصبحت اجوب الطرقات بحثا عن وظيفه او رجلن يلمني , وماحصل لاهذي ولاهذي ( يازين تقشير البصل بس) الى ان انفتحت ابواب الرزق وقلت اخيراً الدنيا بتكركر لي مادريت انها بتشوتني بوووووووووووووووووز (ولا شوتة صالح خليفة يوم جاب قول على مدري مين بكاس أمم مدري مين) لين اسف تراب



اولها توظفت بمدرسه ومن توظفت والمديره حاطتن نقرها من نقري ( دجاج على غفله ) وكن ماعندها بالمدرسه الا انا هههههه مرتن تقول سوي كذا ومرتن لاتسوين وشوي وتقول اكنسي الغرفه والا غسلي بلاط المدرسه لين طقت تسبدي وانا انحاش واخليلها المدرسه


ويدقون علي مدرستن ثانيه قلت وناصة هذيك موقعها راقي واكيد كل الي فيها راقين واروح واتوظف عندهم ومن دخلتها واثر حظي ملبدن في شنطتي من فتحت الشنطه وهو متورشحن المدرسه وتتغير القوانين وتبدى النحاسه تعم الارجاء وهذا قرار جاي وهذا رايح لين هجيت

وقدر الله علي الحين وتوظفت في قطاع ثاني وأبشركم هالمره حظي تورشح المدرسات كلهن طارن بالشهر يطلع ثنتين ههههههه وأنا جالسه ( حصاة رزاح إلي ما تنزاح )


هذا وغير الخطاطيب إلي طاروا بسبب هالحظ الاقشر ,, واحدن منهم ماتت أمه وهج وقالي يالوجه النحس والثاني قدر الله عليه وصار له حادث ومات والثالث قدر الله وأبوه أعرس على أمه وهج وطردته امه بزعمها اني وجه نكبه عليهم





والدور الباقي علاكم الله يستر ولا تتهاوشون و يتقفل عـآلم حواء بس لا تخافون مدامني فيه أجل أنتوا بالحفظ والصون :27:




ما يستفاد :
1-كثيراً منا لا يرضى بالقضاء والقدر ويعتبر أن الحظ السيئ دوما مرافق له - الصبر مفتاح الفرج - (او يمكن مفتاح اربعطعش )

2- (وما يصيبكم الا ما كتب الله لكم) وش ذنب أي وحدتن ضعيفة لا حول ولا قوة لها أذا تزوجت والا توظفت وصارت مصيبة قالو وجه فلانة وألا وجه فلان وخلوا الواحد يعيش بحاله هو غنى عنها


3- لا تيئس ولا تقنط من رحمة الله ومن توكل على الله لا يضيع ,, فاجعل أيمانك بالله أقوى ولا تخضع لوسواس الشيطان ,, كل شي مدون باللوح المحفوظ.


عطــورهـ * ( منقـول بتصرف) >> ياشيني وأنا أقلد المجلات والصحف>> ترى تآعبه في هالكلمهـ خخخخخ