آآه دخلت السنة العاشرة ومازلت...

السلام عليكم ورحمة الله
أول مرة أشارك بس كنت أتابعكم من زمان وما أطلع من هالقسم الا وانا أبكي لأني حاسه فيكم ويعلم الله إني دائماًأدعي لكل محروم (الله لا يجعل بيننا شقياً ولا محروما)
بنات ماكتبت هنا الاعشان افضفض شوي أحس بجيني شي من كثر الكبت والمكابرة وماأحب افضفض للي حولي .
أنا دخلت السنة العاشرة ومازلت بدون أطفال أحس العمر يجري وأسئلة الناس ونظراتهم ماترحم,أحياناً أجلس أبكي حتى أحس أنه بيغمى علي أذا تذكرت زوجي وهو يلاعب أطفال أخوانه ويحضنهم ,نفسي أعوضه على صبره علي
ماأنسى يوم أسوي عمليات الأنابيب وتفشل وأشوف الدموع والحزن بعيونه وكان يقول ولايهمك أهم شي صحتك عندي بس صعبه لما تشوفين دموع الرجال...آآآه وش أقول وش أخلي اللهم لا أعتراض على حكمك.
حبيباتي:أدري إني أزعجتكم وكل وحدة فيها من الهم ماالله به عليم ولكني اطلب منكم الدعاء فلربما منكم من أقسمت على الله لأبرها.
اللهم مسني الضر وأنت أرحم الراحمين
ربي لاتذرني فرداً وأنت خير الوارثين..