آختي والنـــوم .. شوفوا لنا حل ..

السلام عليكم

كيفكم ياحلواات ,,

اببدا في مشكلتنا مع آختي عمرها 15 سنه


هالفترة زاايد نومها مرررررررره .. هي اول من ينااام وآخر من يصحى وبطقاق بعد
تخيلوا معاي تنام الساعه 9 فالليل وماتقوم الا 4 العصر من البكراا ولا الوقت اللي تصحى فيه كله تتثآوب ..
نومها اكثر من الطبيعي وزباده بعد .. ماكانت كذا قبل والله قلبها كان حي .. في المدارس اذا جت امي تصحيهم هي اول من يصحى من تسمع صوت امي والحين مع الاجاازة تغير وضعها وصاير نومها ثقيييل ..

إذا صحت نقعد نقولها وين رحنا ووين جينا ووش سوينا ومين جانا ,, تنقهر تقول ليش ماقلتوا لي واحنا طول النهار نحاول فيها تقول والله ماشبعت توني نايمه ..

وضعها مثل ماهو ماتغير فيه شي وبتقولون لي يمكن تعبانه نفسياً ابقولكم هي اصغر البنات وآخذه حقها فالدلع وزياده ومافيه هذيك الهموم اللي تهرب منها بالنووم وماشاء الله متفوقه في دراستها ..

اااااااخ بس منها ومن ثقل نومها .. تنصحون امي تسوي لها حجامه ؟؟؟


امي بتتابع ردودكم ومشكووورين مقدماً