هذا الآيسكريم سويته من فتررررة عطتني طريقته وحدة صديقتي بدون ماتجربه هي
قالت جربيه واذا طلع حلو وعجب العيال علميني اسويه
قلت يعني انا وعيالي حقل تجارب عندك ؟ :42:
لان هي مو متزوجة وماعندهم اطفال بالبيت وخافت تسويه ومحد ياكله
المهم انا طبعا على طول جرررربته وطلع رووووعه
وعجب عيالي مررررررة
وكل يوم اقول بكرة انزله بس الكسل لاعب فيني
المهم اني قبل كم يوم تقريبا شفت موضوع هنا بس قريت عنوانه آيسكريم المارشملو
ومادخلت الموضوع يومها والله لاني كنت طالعة ومستعجلة
والحين دورته علشان اتأكد هو نفسه او لا بس مالقيته للأسف وما اذكر اسم الكاتبة
ع العموم اذا طلع هو فالسموحة من اللي كتبت الموضوع قبلي
واذا مو هو يلا كسبنا طريقتين
*
*
وكالعادة بقول المقادير مع الطريقة
والصور بتوضح كل شي
انا استخدمت آيسكريم جمبو شوكولاتة 2 ليتر ( ممكن اي نوع آيسكريم ) بس طبعاً ضروري شوكولاتة
واللي تحب تجازف وتجرب كيفها عاد ( حلو الاكتشاف ) :42:
كيس مارشملو مقطع قطع صغيرة
هنا بعد ما قطعتها ( على فكرة خلي جنبك كاس ماي وبللي السكين كل شوي وانتي تقطعيها علشان لا تلصق بالسكين )
برضو نحتاج شوكولاتة خام انا استخدمت البيضاء والبنية وممكن تبدلين البنية بالسودا اذا تحبي
وطبعاً تذوبينها في الميكرويف او في حمام مائي
والله يابنات انا للأسف سويتها بدون مقادير :09:
بس ماكثرت حطيت شوي من كل نوع
يعني تقريباً من كل نوع اربع او خمس قطع
1-جالكسي الحجم الجديد اللي هو اكبر من العادي وبرضو يكون مذوب
يـ ـ ـتـ ـ ـبـ ـ ـعـ ـ ــ
.
بعدين اخلط الآيسكريم في خلاط الكيك واضيف له الشوكلاتة الخام البيضاء والبنية
واخلطهم مع بعض
وبعدين اضيف الجالكسي وهو ذايب بعد واخلطهم مع بهض
وفي الآخر اضيف قطع المارشملو واخلطهم كلهم مع بعض
وبعد كذا اصب خليط الآيسكريم في علبة بلاستيك كبيرة
واغطيها وادخلها الفريزير لمدة يوم كامل
وهالكاستين ترى ذايبين بفعل فاعل :22:
فيصل وتركي الله يصلحهم تعمدو يتركوهم لين يذوبون يبون الآيسكريم ذايب ( عيالي بكل شي غير عن العالم ) :22:
فيصل قال يبي بس صوص كراميل وويفر وتركي يحب الام اند امز وحطيت عليها شوي شوكولاتة مبشورة
ورنودة كانت نايمة وقتها وكلت كاسها بعد ماصحيت بس حبته سادة بدون اضافات :)
هذا كاس فيصل من قريب فيه بس صوص كراميل وويفر ( حاولو تتغاضو عن الذوبان )
بس لاحظو كيف قطع المارشملو :09:
وهذا زينته بالويفر وصوص شوكولاتة نسكويك وصوص كراميل
يارب يعجبكم
واذا عجبكم ادعولي ربي يهديلي عيالي ويرزقني برهم
وكمان ادعولي انحف :(
.