آيسكريم... !!! طيب وش الجديد ؟؟؟؟ الجديد انه مقلي !!!!!!!!!!!!!!!

السلام عليكم
الايسكريم ومن فينا مايحب الايسكريم ... كيف عاد لو جاك بشكل وطعم جديد وغير
سلمك الله هاذي طريقة عمل الايسكريم المقلي .................. ايه لا تستغربون اكيد سبق ذقتوها عند مطعم الخليج الصيني ...
الطريقة بصراحه سبق وقريتها في مجله وكانت جدا سهله ومن ميزتها انك تقدرين تسوينها وتخلينها في الفريز ومتى ماجاك احد على غفله تسوينها وتقدمينها فتكون شي جديد وغريب ونفس الوقت لذبذ
المقادير
اسكريم فانليا اي نوع
بسكوت الشاي مطحون او بقايا كيك مطحونه واذا حابه ممكن الاثنين مع بعض
بيضه + فانليا + شوي حليب طازج
سلمك الله خذي الايسكريم بس يكون جامد مره من الفريزر وكوريه بملعقه الايسكريم وبعدها غمسيه بالملعقه في خليط البيضه ومعها الفانليا وقليل من الحليب
غطيه جيدا جيدا بالسكوت المطحون
اعيدي الحركه ثاني مره
دخليه الفريز وخليه كذا ساعه وارجعي عليه وسوي نفس الحركه مره ثانيه... تقريبا سوي التغطيه اربع مرات عشان تصير طبقه تحمي الايسكريم اثناء القلي ولا يطلع عليك فالزيت وطرطش عليك
بعدين خليه في برطمان في الفريز تبريده يكون ممتاز وخليه كم يوم عادي لاي انا سويت كذا
ومتى ماجاك احد فجأه اقليه في زيت غزيز وساخن جدا كل حبتين مع بعض
بس تكونيين مجهزه الصحن والتزيين شرائح فواكه مثلا او شكولاته سايله هيرشي وقطعه كيك مثلا وعلى جنب الايسكريم المقلي اللي تحبين عموما
بس اثناء القلي خلي يدك خفيفه لأن بسرعه راح يصير بني وعلى طول قدميه عشان يعرفون الناس انه توه طالع من القلي والغريب انه ايسكريم ولا ذاااااااااااااااااااااااااااااااااااااب بعد القلي :)