أبغى أحمل ماني قادرة أصبر .. وش أسوي؟؟!

مراحب يا أحلى بنات ..

يا جماعة الخير أنا متزوجة من سنة وشهرين .. ولحد الآن ما حملت ..
زوجي عمل كل فحوصاته طلع سليم 100% وما فيه شي ..
وأنا عملت الفحوصات اللازمة .. الدكتورة قالت لي عندك خربطة في هرموناتك .. بس ما أعرف للهرمونات عشان كذا ما طلبت تفاصيل ..
عطتني حبوب اسمه progyluton
عطتني منه 3 باكيتات .. كل باكيتة فيها 21 حبة .. نصها أبيض ونصها بني ..
وأخلص العلبة وأنتظر لحد ما تجيني الدورة وأرجع أشربها في خامس يوم من الدورة ..

ألحين هذا أول شهر أخلص الباكيت ..
وبرجع أشربه في خامس يوم من الدورة ..

بنااات .. كل إلي حواليني حملوا وجابوا عيال ..
حتى مرت أخوي العقربة .. كانت تشرب حبوب منع حمل بالهبل .. وبس تترك الحبوب تحمل على طول ..
وأنا ما عمري شربت هالأشياء وما حملت ..

يا ربي لا اعتراض على حكمتك .. بس أبغى أحمل .. زوجي خاطره في العيال ..
كل يوم أبجي .. كلهم حملوا وجابوا عيال إلا أنا :(

زوجي بس يسمع أحد جابوا له ولد يصير مو على بعضه ذاك اليوم بس ما يتكلم ..
وش اسوي يا ربي ..
زوجي يقول بدري على الأنابيب وهالسوالف ..
يقول اصبري واذا ما اعتدلت هرموناتك ولا حملتي لكل حادث حديث ..

هل من مؤازر؟؟

..دانة الدنيا..