أبغى طريقة لأخذ أثر من عجوز ما تطلع من بيتها!!

مرحبا بأخواتي الحوائيات...
قبل أبدأ بموضوعي أقول لكم تقبل الله منا ومنكم صالح الأعمال, والله يوفقنا ويعيننا على الطاعة ويرزقنا الإخلاص في القول والعمل...
موضوعي هو إني قبل كم شهر كانت زميلتي تسألني مافيه جديد؟ قلت لا الحمد لله على كل حال..
وبعد شوية سوالف وكلام قالت لي طيب ليه ما تقرين على نفسك؟؟
قلت الحمد لله وش فيني أقرأ على نفسي!!
قالت يمكن يكون واحد من اللي خطبوك ورفضتيهم أو مثلا واحد يسمع عنك ويتمناك وعارف إنك راح ترفضينه يكون بنفسه وهذا هوسبب تأخر زواجك!!
قالت لي أنت إقري على نفسك والحمد لله القرآن كله خير ولا راح يضرك شي.. ومن هالكلام..
بصراحة إني اقتنعت بكلامها خاصة إنه فعلا فيه ناس حاولوا أكثر من مرة وأنا رفضتهم..
ولما قلت لأمي قالت صادقة.. بعد ممكن تكون أمه مثلا مو شرط الرجل..
المهم إني قريت على نفسي فترة تقريبا اسبوعين بس وانقطعت عن القراءة ونسيت السالفة...
وسبحان الله بيوم من الأيام _قبل رمضان بيومين تقريبا_ جا على بالي كذا وبدون مقدمات وحدة الله يذكرها بالخير حرمة كبيرة كانت تلمح لأمي إنها تبغاني لولدها وكان تلميحها وأنا في الثانوي وولدها الصراحة أنا ما أحبه ولا يعجبني وعموما ما يصلح لي.. ردت أمي على تلميحها الأول بتلميح إنو لا ما يصلح ولا نقبله..
بعدين جلست سنييييييييييييييييييين طويلة وهي تلمح لأمي كل بين فترة وفترة يعني أقدر أقول لكم تقريبا سبع أو ثمان سنوات وهي تحاول!! لدرجة خلته يشوفني وأنا ما أدري لكني اكتشفت حركتها..
وآخر شي لمن يأست مننا راحت خطبت له وحد وزوجته والحين له سنتين متزوج وعنده بنوته صغيرة..
وأنا ما صدقت إنو يتزوج علشان أنفك منه.. لأنو كان يضايقني لما كنا صغار وكنت أكرهه..
الزبدة هي إني أبغى طريقة آخذ أثر من أمه لأنها كانت معجبة فيني بشكل مو طبيعي لو تشوفون كيف سلامها علي والله تبوسني من حبها لي..
المشكلة إنها حرمة كبيرة ومريضة وما تطلع من بيتها يعني مستحيل أقول تجي عندنا وآخذ منها؛ وفي بيتهم حاولت أشرب من فنجالها أوبيالتها أو أي شي كأني غلطت, لكن ما قدرت لأنها ماتذوق ولا شي لا قهوة ولا شاهي ولا ماء لأنها تعبانة وماتشتهي شي..
إيش الحل فيها كيف آخذ منها..
ومرة جابوا ماء نقرأ فيه وإحنا عندهم وهي ما قرت فيه أتصور لأنها ما تعرف تقرأ أو ما أدري عنها كيف أقدر عليها!!!
ممكن تعطوني إقتراحات لعلي أشوف عنها في العيد لأني خلاص أبغى آخذ منها وأرتاح نفسيا سواء كان منها ولعلها تنحل المشكلة أو من غيرها وخلاص ما تبقى في خاطري إنها يمكن هي اللي نظلتني..
الله يوفقكم ويفتحها عليكم..