نور الدنيا25 @nor_aldnya25
عضوة فعالة
أبكيتيني يا أمي
السلام عليكم .عساكم بألف خير يارب.بنات امس كتبت لامي مسج .....شوفوا وش كتبت....أمي ياأول حب عشته في دنياي .ياأول اسم تنطق شفاي طاريه.أنتي هوى روحي وبعروقي الماي.عمري بدونك عمر ماعشت انا فيه.يامالقيتك في شتاء وقتي دفاي حضنك يدفيني بحنانه وادفيه .وياما مسكتي من على الوقت يمناي.خوفن علي من الزمان وبلاويه.أنتي نظر عيني وبسمة شفاي وأنتي هوى قلبي وحبه وغاليه.وصبرك اللي تعدى عطاياي لو عشت كل العمر ماأقدر أوفيه.تدعين ربي لي يسدد خطاي وارفع انا كفي لله وادعيه يارب تمنحني رضاها في دنياي وان مارضت عني دنياي مابييييييييه....................بنات من شوقي لها ارسلتلها المسج هذا انا متزوجه بديره بعيده عنها...اليوم جاني مسج من امي حبيبتي شتقول.تقول :هلا بنظر عيني وضحكة شفاي .هلا باللي رسالته بكت دموع عيني .عسى ربي لايحرمني {نور دنياي} <<<<<على فكره ترى ماتعرف اسمي بالمنتدى جت صدفه.واخر الرساله كاتبه انا راضيه ومابي الا هناك والله يهنيني . انا يوم قريتها قعدت ابكي دموووع الفرح طبعا عشان امي راضيه عني وحسيت براحه .بنات ترى رضا الوالدين شي كبيييير .ونقدر نبرهم بكلمه ولا برساله ولا بعطيه حلوه فلوس مثلا لو هم مو بحاجه لهالفلوس بتفرح امك فيها عشانها منك ولا هديه بسيطه تحسسينهم انك مانسيتيهم ابد .واخيرا اقول :يارب أسألك رضاك والجنه يارب أسألك ان ترحم امي وابوي وتشرح صدورهم وتيسر أمورهم وتشفيهم .:27:
11
1K
يلزم عليك تسجيل الدخول أولًا لكتابة تعليق.
الله يحفظ لنا والدينا ويرزقنا برهم
والله هم شمعه الدار ... الله يطول بعمرهم
ويلبسهم لباس الصحه والعافيه
والله هم شمعه الدار ... الله يطول بعمرهم
ويلبسهم لباس الصحه والعافيه
الصفحة الأخيرة
ليت كل البنات يبرون امهاتهم لكن اغلب البنات ماتحس باامها الا بعد ماتتزوج وتخلف
الله يهدي الجميع