=أبلتي توفت قدام أختي بنات تكفون ادعولها بالرحمه=

السلام عليكم ورحمة الله وبركاته


إنا لله وإنا إليه راجعون

لاحول ولاقوة إلا بالله العلي العظيم

اليوم الساعه 6 المغرب جتنا اختي تنتفض

تقول شفتها وروحها تطلع شفتها تتشهد

بعد ما أمي قرت عليها وشربتها مويه عرفنا الخبر المحزن

والحمدلله على كل شيء

لله ماأخذ ولله ماأعطى

الي توفت مدرستي للإنجليزي من نعومة أظافري كنت أدرس عنها خصوصي

كانت حنونه وطيبه كانت مثل الأم الثانيه بالنسبه لي

كانت تخاف على كل بنت تجيها وتحرص انها ماتطلع لين يجي ابوها او اخوها او سواقها

كانت تمنع عبايات الكتف تقول لا يجيني احد لابس عباية كتف

كانت قمة بالإخلاق والنبل ماتتصورون شلون

كثير ناس ظلموها وماعطوها فلوسها

وكانت تتحسب عليهم كانت طيبه بكل معنى الكلمه

من يوم عمري 13 وانا أدرس عندها يعني لي اعرفها اكثر من 12 سنه

وكل خواتي عندها

اختي تقول كانت تعبانه مره كانت تحاول تخلص معنا الكتاب واول ماخلصت وسكرت الكتاب

امسكت قلبها والله العالم كانت جلطة كانت تبكي بحرقه ولا تقدر تتكلم البنات واختي خافوا ويصارخون دخل ولدها الصغير وهو متروع

وكلم ابوه ع الجوال جا الاب

بس كانت في الرمق الاخير

وقتها عطاها دواها لانها كانت مصابه بالسكر

حاول فيها تشرب قالت مافي فايده ياابومصطفى وهي تبتسم وتتشهد

تقول اختي شفت طلعة روحها منظر مااتمنى اشوفه مره ثانيه وتكلمني وهي ترجف

تقول يحاول زوجها يسويلها تنفس لكنها وقتها الله توفاها

تقول اختي اول مره اشوف رجال يبكي بحرقه يقول تكفييييييييييين لا تخليني

لا تمزحين قومي ... حزنتني وهي تحكيلي وبكينا بحرقه

ابداً ولا موت الفجأه

ماكنت أظن إنها آخر مره بشوفها كانت في ملكة صديقتي

الله يرحمها كنت اغرف من البوفيه وكانت وراي قلتها لا خلك قدامي تكفين

قالت لا حبيبتي والله محد يغرف الا انتي وكانت وراي تقول وين العرسان عنكم

قصدها انا وصديقاتي قلت الله الرازق قالت الله يرزقكم الزوج الصالح يارب

ماكنت أظن إن ذي آخر كلمات راح أسمعها منها

ولا كنت أظن إن ذي آخر مره بشوفها فيها

كانت كل يوم تبلغ خواتي يسلمون علي

كنت أحبها مثل أمي لانها طيبه لأبعد الحدود ونيتها صافيه

خواتي تكفون الي تعرفني والي ماتعرفني تدعيلها بالرحمه والمغفره

يارب اغفرلها وارحمها

ووسع مسكنها وثبتها عند السؤال

واجعل قبرها روض من رياض الجنه

واغسلها بالماء والثلج والبرد

ونقيها من الذنوب والخطايا كما ينقى الثوب الأبيض من الدنس

اللهم هي آمتك وابنة عبدك وابنة أمتك احتاجت إلى رحمتك وأنت غني عن عذابها

إن كانت محسنه فزد في حسناتها وإن كانت مسيئه فتجاوز عنها

يارب وسع مسكنها وابدلها داراً خيراً من دراها

وزوجاً خيراً من زوجهاً

وأهلاً خيراً من أهلها

اللهم إنها آمتك سكنت بقربك فـ ارحمها

وأعزها من عذاب القبرو عذاب النار

اللهم وارزقها الفردوس الأعلى مع النبيين والصديقيين والشهداء


اللهم ارحم موتانا وموتى المسلمين

آمين


اللهم آجرنا في مصيبتنا وأخلف لنا خيراً منها

ادعوووووووالها تكفووووووووووون