"أبنتــي"...والتغيـَير الذي طرأ عليها....( ساعدونــي)

والله ماعندي فكره
الله يعينك ويصلحها

اللهم آمين
بيض الله وجهتـس ياحبني لتـس
تكفينـي دعواتــس

لاهنتي~

ممكن تستخدمي معها اسلوب التعزيز
انا ناويه باذن الله اطبقه مع بنتي وباقي لها شهر ووتتم ٣ سنوات
اشتريت لوحه صغيره واستكرات وقاعده ابحث جداول للتعزيز عشان اطبعها وابدا معها
وقالت لي وحده ابدا بالتشجيع على السلوكيات الصحيحه قبل العقاب
حفظت لي صوره جدول بس مااعرف انزل صور من الايفون

بامكانك تسوي التصرفات اللي تبيغيها مع بنتك

بس لازم زوجك مايخالفك في الراي في شي يخصها بالذات امامها اذا مو عاجبه تصرفك لايتكلم امامها

بسم الله عليها بنتك استغلي ذكائها في حفظ القران علميها سنن مبسطه
اعجبني موضوع عن التربيه وايش عودتي اطفالك عليه منها الوضوء بعد دخوله للحمام

مدري بس حسيت ردي تفكير بصوت مسموع
الله يصلح لنا النيه والذريه ويعيننا ع تربيتهم التربيه الصالحه المصلحه

الله يجزاك الجنـه ماقصرتي الله يصلـح لي ولـك

لكن المشكله بنتي حاولـت معها اسلوب التعزيـز عشان الصلاة ومشـت معي ايام لكن للاسـف
احس انها مكتفيـه.. بحيث انها اذا اخذت عدة نجوم اعطيهـا واكافأها بشي تحبـه..
ويجي ابوها الله يهديـه ويخرب علي ويجيب لها
واذا قلـت نكمل مثلا خمس نجوم تقول (ما أبي بابا جاب لي).. بعدها تركـت هالطريقـه وصرت أخوفها بالنار وارغبها بالجنه وايش فيها
وادري غلـط لان باقي عقلها قاصـر..بس مالقيـت حل.. ودي اعلمها بالحلال والحرام ..من صغـر لاني شفت بعض نتايجـه
خاصتن اذا كنا نمشي بالسياره وسمعت موسيقى تسكر اذانيها وتقـول حرام..



الحمدلله أبشرك حافظه المعوذات واية الكرسي وبعض الأدعيه..
وصراحتن نفسي بمدرسَـة تجي البيــت وتمسكها حفـظ للقرآن.. والله اني ادعي وهي ببطـني تكون من حفـظة القرآن
وتخبريـن عندي بنت صغيـره ولا أفضي لها كثيـر..
والمدرَسـة يمكن تهابها وتمشي معها بالحفـظ لان بنتي الله يصلحهــا مزاجيه..


لكن ودي اسال هل طريقتها واسلوبها الجديد ينم عن قلق او لفت أنتباه.. والله حيرتني

ماقصرتي اختي جارت القمـر
عسى عمرك طويل.. وان شاء الله بتفاهم مع ابوها حول رفضه لاسلوب تعاملي معها امامها

باأعلق على مشيتها
لو واجهت مشكلتك في مشية طفلي
اعرضها على طبيب وتأكد من نسبة الكالسيوم
او اي مشكلة طبية لا سمح الله

وباذن الله طبيعية بس تأكدي يا من ملاحتظك احيان تمشي طبيعية واحيان تدلع وتفرق رجولها
او اعرضيها لطبيب

اذا طبيعية بس حركات افضل تخلينها تجري كثير في حوش او بر
او تسابق احد ماما او بابا او اي طفل لحد ما تنسى وتتعدل مشيتها
واذا مشكلة فهي بسيطة جدا فيتامين د قطرة بالفم وتصير تمام