**حنين الماضي** @hnyn_almady_8
عضوة جديدة
أبي أعرس .. زوجوووووني !!!
أبي أعرس .. زوجوووووني !!!
نزلت هذه الكلمات كالصاعقة على الأم
كانت صدمة لها مع أن المفروض أن كل أم تفرح لما تسمع هالكلمة من عيالها ...!
لكن الصدمة كانت أن الكلمة ماصدرت من ولدها .. من .. من .. من بنتهــــا !!!
والله والنشبة ....
انربط لسان الأم..
دارت فيها الدنيا..
وقامت تهوجس..
" الولد نقدر نخطب له لكن البنت من وييييييين نجييييييب لهل رجل !!! "
يمه ردي علي ,, تكفين زوجيني "
صحت الأم من الهواجيس الساخنة القاتلة إللي أصابتها من الصعقة السابقة **
كانت البنت تهز كتف أمها وتترجى فيها: يمه .. افهميني .. أنا أبي أعرس ..
الأم ماقدرت ترد بأي كلمة
كانت بس تناظر في عيون بنتها وتقول بينها وبين نفسها:
هذي اللحظة إللي ماعملت حسابها الظاهر بنتي كبرت وأنا ماأدري !!
رجعت البنت ورمت بنفسها على الكرسي بكل احباط وقالت:
انتم ليش ماتبون تفهموني؟؟ أنا خلاص كبرت .. صرت حرمة.. عمري ألحين فوق العشرين سنة ..
افهميني يمه الله يخليك..
" أخيراً تكلمت الأم وقالت: خلاص يابنيتي فهمتك :
وهي قاعدة تفكر وشلون تفاتح أبوها في هالموضوع..
قربت البنت من أمها وقالت: يمه .. وشهو إللي خلاص؟؟
إنتي تحسبيني إلى ألحين بزر .. تصرفيني؟!
أنا صرت حرررررمة وكل صديقاتي إللي معي تزوجوا..
يمه الله يخليك حسي بشعوري,,
والأم مسكينة يتقطع قلبها على بنيتها وتقول في خاطرها:
الله يعينك يابنيتي كل هذا في قلبك ومتحمله!!
والبنت استمرت في صراحتها
يمه إنتي أكيد تعرفين مشاعر أي بنت في عمري , وأنا ماطلبت شي غلط ..
طلبت العـــــــــرس بس !!!
وهوجست الأم: العرس بس !! إيه هين , هو العرس صار ينقال عنه بس!!
وكملت البنت: يمه. سامحيني على صراحتي بس مالي غيرك أفضفض له ,
إنتي لو تعرفين شلون احساسي لما أفكر في صديقاتي المتزوجات ,,
اتخيل سعادتهم واتصور شعورهم ,, فاهمتني يمه ؟؟؟
وقفت الأم في مكانها وحاولت هالمرة إنها تكون صارمة عشان تنهي الحوار:
خلاص يابنت .. قلت لك خلاص .. أنا فهمت وماله داعي كل هالشرح ..
وإذا جا أبوك تفاهمت معه .. أنتي تحسبين الموضوع سهل ؟؟ بينجلط الرجال فيه !!
قامت البنت من مكانها وواجهت أمها وقالت: إنتي عايشة في نعيم ..
أشوفك كل يوم تروحين مع أبوي وأنا محرومة من هالشئ .. تحسبيني ماأفهم .. ماأحس ..
أعرف شعورك لما تكونين مع الوالد ..
ومسكت كتوف أمها وحطت عينها بعين أمها وقالت: يمه .. افهميني ليييييه أنا أبي أتزوج.....
دارت الأم وجهها عن بنتها وقالت: " يابنت استحي "
لكن البنت كملت كلامها: يمه المسألة مافيها حياء ,, هذي مشاعر طبيعية ,
كله كوم ومنظر صديقاتي كوم , يوم أشوفهم الصباح أزواجهم يجيبونهم للكلية ,
وأنا قلبي يتفطر , أشوف أشكالهم مع رجالهم وانقهر , وأنا كل يوم أركب مع السواق,,,
يمه .. افهميييييني عااااااد"
لكن الأم ماستحملت وطاحت على الأرض مغمى عليها ,, والظاهر إنها انجلطت !!
جلست البنت عند أمها تحاول تصحيها وهي تصرخ وتبكي:
يمه .. افهميني .. أنــا .. أنـــا .. أبي أتزوج عشان.....
عشــــــان أبي أركب .....
قدااااااااااااااام !!!!!!!!!!!!!!!
10
2K
يلزم عليك تسجيل الدخول أولًا لكتابة تعليق.
الصفحة الأخيرة
روعه كل هذا عشان تركب قدام
يسلموووووووو عسووله