أبي أنااااااااااام تكفون !!!

كيف الحال يا حبيبات قلبي في ربي

أتمنى اجد الحل لديكن حتى لو كان بدعاء مشكلتي أن النوم مجافيني ولي يشوفني يقول ذي مدمنه مخدرات

أتقلب على فراشي من بدري لكن النوم عيا يجيني تعبت وتعبت نفسيتي صرت أبلع حبوب بندول نايت شراب كحه

ونااام لكن أثرها على بشرتي وشعري هي الطامه الكبرى والنفسيه في تأزم حاولت أقرأ قرآن أختم جزئين ولا فيه نوم أقعد من نومي بلغصب حتى لو كان نومي ساعتين تصدقون هم ما أنام الا بعد صلاة الفجر ولا الساعه 12 ظهرا" واقعد من نومي الساعه 2 تعبت بجد وش الحل الي عندها الحل تسعفني

تراني ما أشرب منبهات ونومي خفيف في قمة تعبي لو حد قعدني من النوم ما أ رد ثاني



أنا أكره السهر ماتعودت على كذا لكن بعد وفاة الوالد وهذا من عشرين سنه ونا بحال يرثى لها وبعد وفاة أمي من ثلاث سنين زاد السهر والقلق رجيت المولى ألاقي لمشكلتي حل
لان السهر مقلل من تركيزي وماثر على أكلي وعلى شكلي