أتبعي هالبرنامج وشوفي وش يصير لكـ...!

بسم الله الـرَّحمن الرَّحيم


أنا دايــماً أنصــح البنات بهالبرنامج وهالنَّصايح .. والحمدالله الخير موجود وكثير ،،،


ولاتنســوني من دعواتكم...



لأن هالبرنامج مني أنا وأنا لامسته بعيوني وشفت كيف الخير فيه..




بخصوص البرنامج بأعطيك أُسـس ترتكزين عليها وتخلينها أساس بحياتكـ.. ماتتخلين عنها أبدآ..


:: أوَّلاً ::
الصــَّــــــــدقه.. ياقلبي تصدقي كثير
ترى الدَّعوات تستجيب إذا جيتي تتصدقين ياعمري..


أقولك شلون::
خلي عندك صندوق صغير(وكُلّ يومٍ كُلّ ماتضايقتي تصدقي لو بريال)ونهاية كُلّ شهر أو شهرين أو ثلاث (جمعيهم بظرف)وعطيهم أخوكـ أو زوجكـ يوديهم لأي جمعيه أو أي مُصلَّى ..
بتشــــوفين كيف الخير الكثيــــــر



ربي ينصرك وياخذ حقك ويحقق أمانيكـ..>> عن تجربه شخصيه مني ترى ،،،



:: ثانياً ::
الاستغـــــــفاااااار ،، أستغفري كثير بنية شيء تبينه إلين يتعود لساانك إنَّه يستغفر كثير...


:: ثالثاً ::
نامي ياقلبي.. وأنتِ قلبكـ أبيض صافي مو شايلة على أيّ أحد ولا حتَّى لو ذره كُره أو حقد أو انتقام أو عتاب أبد أبد..
فوضي أمرك إلى الله فأنَّه بصير بالعباد..



:: رابعاً::
كـرَّري دوماً قول ( لا إله إلا أنت سُبحــــــانكـ إني كـُنتُ من الظـَّالمين ) ...





:: خامساً ::
كوني بارَّة بأمكـ وأبوكـ وشيلهم شيل وحطيهم بعيونكـ وأغليهم ياقلبي ترى دعواتهم تسعدكـ وتغير نصيبكـ للأفضل ،،،
قولي لأمــك أدعــــــــــــــــــــي لي يا أمي ترى دعواتكـ تُستجاب وكذلك لأبوكِـ ..
أعرف بناآآآآت.. متوفقين بحياتهم بشكل!!!! وكُلّه من دعوات أمهاتهم.. كُلّ يوم كُلّ لحظه بُري بأمك وأبوك خلي أمكـ تدعي قولي لها أدعي لي ( يمة )
ترى أحياناً يجهلون قيمة أن الأمهات دعوتهم لأبنائهم تُغير حظهم ونصيبهم للأسوأ إذا دعوا عليهم أو للأفضل إذا دعواااا لهم ،،،



:: سادساً ::
اقري سُورة البقرة بإستمرار..





وأهم من هذا كُلّــه..
الثـِّقـــــــــــــــــــة بربِّ العالمين
ثـِقي فيه ثـِقه تااااااامة
أدعي ربّك فهو يستحي أن يردك صفراً..



كافر دعى ربّه ثلاث مرات وكُلّ مرَّة كانت الملائكة ترده ،،
الله سُبحانه مارضاها للكافر كيف ترد عبدي؟؟ وقال لبيك لبيك لبيك ثلاثاً
وهذا للكافر.!



فكيف أنتِ المُؤمنة التَّقية النَّقية ؟؟
الله عند حسن ظنّ عبده به فليظنّ به مايشاآآآء


إذا ظنتيني بربي سُوء لكِـ ماظنيتي به
إذا ظنيتي خير لكِـ الخير كُلّه ،،
ادعي ادعي ادعي ...



عيشـــــــــــــي حيااتك ترى الدِّنيا ماتسوووى وقصيرة
أنتِ زعلانة على ماضي.!!
خلاص انسيه عيشي حدود يومك عشان تعيشين أجمل سنين عمرك..
أحمـــــــــدي ربك
عندكـ مواصفات ماهي عند أيّ وحدة
مليون ألف ألف وحدة تتمناها


ترى كُلّ وحدة فينا عِندها ميِّزة ماهي عند غيرها





أُقســــــــم لكم يابنات أنَّ الجمال ماهو كُلّ شيء...




مثال:: من واقع حياتي ..


وحدة ملكة جمال:: يوم جت تحكي صوتها عاآآآلي وأخلاقها زفت ونفسها عند طرف خشمها !!
وحدة عادية ومُتوسطة الجمال:: صوتها هاآآآدي وأخلاقها عالية ونفسها طيبة ،،



سُبحان الله كيف أحلوت الثـَّانيَّة بنظر الجميع وملكة الجمال طاآآآحت من عيون الجميع وما صار لها أيّ صيت أو أيّ معنى.!




عيشي حياتكـ أنبسطي أطعلي روحي وتعالي وثقي بربي واقنعي نفسك أنكـ بتعيشين أجمل سنين عُمركـ عشان حياتكـ وسعاآآآدتكـ أنتِ إللي تبنينها وعلى أساسها يكون هو بيتك ودنيتك..



أضحكي من أعماآآآق قلبكـ
لاتستسلمين للحزن أبداً ،،



أنبسطي
اعلمي أنَّ الدُّنيا ماتسوى عند ربي جناح بعوضــة



والله يسعد قلوبكم ياآآآآرب ...

ناقلته والله للفائده وانا اول وحده بتطبق هالبرنامج والله يسهل اموركم ويشرح صدوركم
ويحقق مناكم ياااااااااااااااااااااااااااااااااااااااااااارب عاجلا غير اجلا