أتفه من هالبنات انا ماشفت

كنت امس بالمول
ودخلت دورة المياه اكركم الله
عشان انظف عباياتي

دخلت واحده اجنبيه شالت العبايه والنقاب
رفعت قميصها شوي عشان المويه الي على الارض تبي
تتوضا
وكان فيه 5 بنات من ضمنهم بنت اعرفها اول ماشافوها سوت هالشي
ماتو من الضحك
ويناظرون فيها نظرات غريبه كأنها مسويه جريمه
ويتهامسو عليها

وعاد انا اكره ماعلي هالحركات


سلمت عليهم
وبعد محادثه قصيره سألتهم وش المضحك بالموضوع

شوفوا الردود السخيفه


ماله داعي تشيل عبايتها تبي تورينا انها بيضا
مو منظر قدام الناس تظهر بهالشكل
كيف جايه السوق بقميص
يعني الكل بعرفها كيف كذا تبين وجها قدام الكل O_O
يعني مو حلو الشكل ترفع قميصها تحسب نفسها في بيتها


رديت عليهم ماسوت جريمه والا شي غلط
بالعكس اهي تبي تتوضى وتبي تشيل عباياتها لانها عائق واهي تتوضى
بعدين كيف تتوضى واهي مغطيه وجها ؟؟
ومافيها شي ان رفعت قميصها الارض فيها مويه ويمكن هالمويه مو نظيفه
وبعدين وش تبوون فيها خليها على راحتها
ماله داعي هالحركات وعيب هالشي حرمه كبيره
تضحكون عليها لاسباب تافهه مالها داعي

سكتو ومااعجبهم الوضع طبعا وراحو من المكان

يعني بالله وش هالتصرف سواء كانت اجنبيه او سعوديه
ماله داعي هالحركات التافهه كيف يفكرون هالنوع من الناس ماادري
والمشكله مافي شي يضحك بالموضوع وش عليهم منها