أحبــــه وأعشـــــق أنفـــــــاســــه ,, لكن !!!!!!!!

السلام عليكم
7

7

7

7

كيفكم جميعا

7

7

7

بدون مقدمات

7

7

أنا زوجه ثانيه ,, خدعني زوجي بأيام الخطوبه وقال انه ماعنده غير زوجه وحده

وأني بكون الثانيه

صدقته

تزوجنا

أكتشفت انه متزوج ومطلق وعنده ولد من طليقته

وأنا ؟؟ يا غافل لك الله

فكرت اتطلق منه

انصدمت

كيف بصدقه بعد؟

وكان هذا بعد اسبوعين فقط من الدخله

والأدهى والأمر

كان يقول لي : اللي يصير بيننا لا يطلع

وفجأة اشوف رسايل بجواله تدل على انه يشكي لزوجته الاولى

ويقول لها كل صغيره وكبيره

وللأسف

ذبحني ثاني مرة

وبالصدفه شفت رساله من زوجته الاولى

تقول عني (بزر) وأنها مهوب راضيه على زواجه مني

ولازم ما يمشيني لازم يرجعني لبيته

علشان اتأدب

لأني زعلت يوم عرفت بخدعته لنا

انا عمري 21 سنه << ولو اني بزر ما كان زوجني ابوي

هذا اللي ذابحني

مرت الايام ورضيت بعد ما قال لي زوجي انه بيهاوشها على كلامها واعتذر مني

نسيت السالفه

عشت معه

حبيته بعد ما كنت ما اطيق اشوف وجهه

حتى ما كنت اكل معاه من كثر ما انا كارهته

ودي بالموووووووت اذا شفته دخل علي

او قرب مني

لكن الحين الحمدلله

المهم

حملت

وكنت ادرس

وشوفو حركات وكيد الحريم

اقسم بالله ما اكذب بحرف واحد

كانت اذا جت ليلتها ويومها

مستحيل تطلعه من البيت يقضي لهم

مستحيل ترسل له مقاضي سواء للصيدليه والا لغيرها

حتى الخبز والله انها تجمده بالفريزر واذا جا يومها تطلع منه

كللللللللللللله علشان لا يطلع

وانا استحي اطلب منه في يومهم والله على ما اقول شهيد

والله انه هو اللي يضغط علي علشان بس اكتب مقاضي اللي احتاجها

(طبعا غير الاشياء المعروفه اللي يجيبها الزوج شهريا)

السبب اني ما اطلب هو بسيط

انا ما تعودت ,, لأن امي اللي كانت متحمله المسؤوليه

وانا توي جديده وعروس باقي ما تعلمت

بس

مهوب يعني اني امثل دور المثاليه

لا والله بس ما اعرف وش اطلب


لكن تعالو شوفو اذا كان يومي وش يصير

ورب العرش العظيم انها رسايل ورى رسايل

طلبات

مدري من وين تجي

مدري وش تسوي فيها

حتى زوجي يسألها محتاجته ضروري

تقول لا بس لوقت الحاجه

طلبات من الشرق والغرب

بس لأنه يومي

والله ما أشك

بس حتى زوجي ملاحظ

ونبهها لهالشي

بس ماكو فايده


......

المهم

انا كنت ادرس بالجامعه

ودوامي اروح له الساعه 8

زوجي برضو دوامه 8

زوجته تروح دوامها 6 ونص مع عيالها للمدارس

وكانت تروح عادي بوقتها

تيرم واحد

والتيرم الثاني قالت لاااااااااااااااااااااااا

مثلي مثل زوجتك

ليش اروح 6 ونص

وهي تروح 8

الا روح وصل عيالك (لانها مانعتهم من الباصات ومانعته يخصص لهم سايق)

وارجع وصلني 8

اقسم بالله فجعتني يا بنات

تقولها (عينك عينك) : مثلي مثل زوجتك

جا زوجي وقال ما عليك منها انتي دوامك بوقته وهي اذا فضيت وصلتها

بالله هذا اسلوب وحده كبيره؟؟


يوم من الايام

والله يا غوالي

زوجي كان تعبان

وحاط جواله سايلنت (صامت)

وكان بيتنا واحد يعني الفله وحده

بس مفصوله بجدار بيني وبينها

والحوش مشترك

وكراج السيارات مشترك برضو

والله يابنات انها اذا اتصلت وصار جوال زوجي صامت

انها تقوم الدنيا وتقعدها

ترسل دعوات تدعي عليه فيها

وتدق الجدار حق غرفتي من ناحية بيتها دق مروووووع

اقسم بالله العظيم اني كنت حامل واني خفت على حملي من الترويعه

كنا نايمين

انا و زوجي

ودقت الجدار بقووووووة

و ارسلت عيالها يدقون الباب

وسوت حالة استنفار لدرجه اني جلست ابكي من الروعه

وزوجي والله زعل

هاوشها بس

(كأن شيئا لم يكن)

مواقف كثيييييييييييييييييييره

هي تبين للكل انها مسيكينه

بس الله اللي يشوف انها تسوي كيد سبحان من عظمه

.....

تروح لأهلها (بنفس المدينه)

وقت اللي اروح لأهلي (بمدينه ثانيه اهلي)

بس علشان زوجي يصير يرفض يوديني ويقول انه بيجلس لحاله لو رحت

الحين انا نفاس

عند اهلي

والله من شهرين انها عند اهلها علشان انا عند اهلي

و زوجي لوحده بالبيت

اليوم كنت ناويه اكلم وحده من خوات زوجي تفطر زوجي برمضان

بس استحيت

المهم

كلمت زوجي اليوم

<<< والله العظيم الحين خنقتني العبره

كلمت زوجي ولمح لي انها رجعت للبيت

بس ما صرح لي

اللي يذبح ويموووووت قهر

ان الرجال محروم من شهر تقريبا ( يعني من جيت عند اهلي )

وهي رجعت اليوم وشكله شبع

رجع علي انا اللي في حالي والله ما في نيتي الا كل خير

اقسم بالله يابنات انه عطاني من الكلام الجارح

من دون مناسبه

ويقول انه مشغول وانا فاضيه ومتفرغه للمشاكل

و و و كلام يذبح

انا احب زوجي ومتأكده اني عنده اغلى من في الوجود وواثقه من هالشي باذن الله

بس ليش هالاسلوب

يعني انا معه اخلاق

وفي نفاسي

وما يراعي مشاعري

بمجرد بس انها رجعت له واشبعت رغبته؟؟؟



انا بين نارين

انا بين امرين احلاهما مر

انا محتاره

بين جروح زوجي وطعونه لي بالظهر

وبين كيد زوجته

ومدري وش الحل

مالي حيله

وما بيدي حل

غير الدعاء والالتجاء لله

اذا كلمته وسألت عنه قال فاضيه

واذا تركته قال ليش ما تسألين ماني زوجك

حيرني وكسر مجاديفي

ابي حل تكفون

في صدري ضيقه وكتمه

في خاطري دمعه ما رضت تبان

ما ابي اضيق صدر ابوي وامي

فرحانين بأول حفيد بسم الله عليه

وما ابي اكدرهم

فيني تنهيده قويه ماتبي تطلع

احسها كاتمه انفاسي

ابي اصرخ

ابي ابكي بس ما اقدر

عبرتي خانقتني لدرجه ما اقدر اطلع الحرف

احاول ابتسم ما ابي اضيق صدر اهلي معي

والله عذااااااب

ما يكفي اني حاشمته وحاشمه اهله ومكرمته ومكرمه اهله ومقدره عياله علشان خاطره

وساكته عن كيد زوجته بس لعيونه

.... مدري وش اسوي

ابي نصيحه تشفي اللي بصدري

احس قلبي بينفجر

احس في صدري شي يضغط

احس بحرارة داخل صدري

مدري وش اسوي

قهرني زوجي الله يسامحه ويهديه

يارب سامحه ورده الى صوابه بس هذا اللي ابيه

ما ابي اقول سخره لي او ملكني قلبه

ابيه بس يرجع لصوابه

ياااااااااااااااااااااارب رحمتك