أحس انها بداية نهاية زواجي.. طفح كيلي

كيفكم بنات

والله دخلت بكتب موضوعي بس ما أعرف أحسن التعبير للأسف فحاكتب لكم إلي يخطر ببالي
أنا و زوجي بيننا مشاكل و فتووووور و ملل فظيع
متزوجين لنا أكثر من 7 سنوات و ربنا ما كتب الإنجاب و العيب مني
حتى مافي بيننا مواضيع نناقشها و لمن نكرر نفس الموضوع و أقوله خلاص غير الموضوع يقوم يقول باستهزاء ايش رايك نتكلم عن الأولاد؟؟!!
أنا بطبعي باردة إلى حد ما و في أمور يسوسها والله لو أي وحده تدري انه زوجها يسوي تروح بيت أهلها و ما تجلس عنده و لا دقيقه بس أنا من يوم ما تزوجته ما أحس تجاهه بأي غيره ومو من طبعي العتاب أوكثرة الكلام و أحاول أتغاضى عن أمور ممكن تكون عادية بس لأنه النقاش يتعبني و يستنزف طاقتي
فأفضل التطنييييش عن الكلام و الجدال
هو عكسي يحب الكلام و العتاب و الجدال و النقاش لدرجة تجيب الصدااع

مؤخرا زوجي متغير عليه بسبب تراكم المشاكل السخييييفة و التافهة وإلي يمكن تكون ملح الحياة في أي بيت طبيعي
بس وضعي أنا و وزوجي مو طبيعي لأن البيت خالي من روح البيت ( الأطفال)
الآن متقاطعين لنا أكثر من أسبوعين
بس أول مره أحس إني مرتااااحه منه و من هرجه و حتى الكلام معاه ما اشتقت له نهائيا
و أحس انه هو كمان مرتاااااح مني
لمن يتصل عليه و أنا في الدوام ما أرد عليه
العادة لمن نتخاصم أحاول أسوي حركات اغراء عشان أكسر خشمه بس ذي المره ما سويت شي نهائيا
مع اننا طولنا الزعله و الأسباب أقسم بالله أتفه من التفاهه بس أحس إني مرتاحه
و الأخ طالع لي بهرجة أنه بيسافر للخارج عشانه طفشان و يبغى يغير جو صحيح أني منقههههره منه
خصوصا اننا متفقين و منتهين من ذا الموضوع بس احسه يبغى يسوي أي شي يقهرني و مو فارق معاه زعلي
يعني أحسه بايعها
و الله مدري ايش أقول بس أحس انها بداية النهاية خصوصا اني قاااافله من جهته

ما أبغى منكم غير دعوه أو نصيحة و ربي يهدينا لكل خير