أحلى و ألذ كيكة نسكافيه كلتها..اتفضلوا شوفو(وبالصور)

ممممرحباااااا....
بخواتي الغالياااات:41:
صدق و بدون مبالغه....هاي الكيكه فعلا في غاية اللذه والطراوه...جربوها و احكموا و بإذن الله بتعيبكم:27:..وهاي الطريقه:

مقاديرالكيكه:
6 بيضات
2 كوب طحين
1 كوب سكر
قوطي كامل فانيليا(أقصد القواطي البيض الصغار)
2\1 1 (واحد و نص) قالب زبده(الحجم هذا وزنه 227 جرام)
ملعقه و نص(ملعقة الأكل) بيكنغ باودر

مقادير خلطة النسكافيه:
فنجان واحد سكر
ملعقتين كبار نسكافيه
نص كاس(كاس الجبن) ماء

خلطة الصوص:
1ظرف دريم ويب
1 علبة قشطه
ملعقتين كبار حليب بودره

الطريقه:
ننخل الطحين ويا البيكنغ باودر و نتركه على جنب.
نسوي طريقة الكيكه العاديه,فنضيف 3 بيضات في البدايه مع الفانيليا والسكر و نبتدي نخفق بخلاط الكيك(طبعا السكر نضيفه على مراحل و الخلاط يشتغل).
عقب ما انخلص من إضافة السكر انضيف البيض المتبقي عدنا و نستمر في الخفق.
عقب انضيف الزبده اللي نحن امقطعينها من قبل و نستمر في الخفق لين ما يتجانس عدنا الخليط.
و في النهايه انضيف الطحين المنخول ويا البيكنغ باودر و نستمر في الخفق الين ما تتجانس عدنا الخلطه.
نصب الخلطه في صينية الكيكه اللي فيها فتحه في النص, و ندخلها الفرن على درجة حرارة 160 مئويه, لمدة 35 دقيقه أو الين ما تنضج الكيكه.
في هالوقت و الين ما تنضج الكيكه نحظر خلطة النسكافيه وخلطة الصوص.
بالنسبه لخلطة النسكافيه, نخلط الخلطه في خلاط العصير و نتركه على جنب, و نفس الشي بالنسبه لخلطة الصوص نخلطه في خلاط العصير و نتركه على جنب.
عقب ما انطلع الكيكه من الفرن, نقصصها شرايح رفاع, و ناخذ ملعقه و نصب في وسط كل شريحه شويه من خلطة النسكافيه و ندهن بشوي من الصوص, ونفس الشي ويا كل شريحه الين ما ننتهي من الكميه, و نصفها في طبق التقديم و تقدم ساخنه:23:
وهاي هي الصور:


ملاحظه: بالنسبه لطريقه وضع النسكافيه, ممكن إنا نستبدل هاي الطريقه بخلط خلطة النسكافيه مع 5 أو 6 ملاعق كبار من العيينه قبل ما اندخلها الفرن, فنصب نص العيينه في الصينيه و عقب انصب فوقها خليط العيينه و النسكافيه و عقب انصب فوقهم باقي العيينه, وطبعا عقب ما تنضج الكيكه اتصبين فوقها الصوص(بس يمكن ما يكفي الصوص في هاي الحاله و يمكن تحتاجون اتضاعفون كميته,ممكن اتجربون و اتشوفون).
وممكن بعد نصب العيينه في أوراق الكبكيك, وفوق العيينه انصب خلطة النسكافيه, و عقب ما ينضجون الكبكيكس اتصبين فوقهم الصوص, بعد بيطلع طعمهم لذيذ إن شاء الله.
وبالعااااااااااااااافيه عليكم:27: