أختم سوالفي المهمه بضحكه !! خبال؟

السلام عليكم و رحمة الله و بركاته
بنات انا عندي مشكله محرجه .. انا بالعاده اذا سولفت وتكلمت بسالفه مهمه او اتوقع ردة فعل قويه .. اختم كلامي بضحكه ! يعني حتى لو السالفه حزينه لازم اختمها بضحكه ! وهالشيء محرجني !
بعطيكم مثال : مثال لم يحصل لكن اعلمكم حركتي في المواضيع دايم كيف
مثلاً جالسه انا وامي ونسولف واعلمها واقول يمه يقولون جارتنا الفلانيه ماتت ثم تناظر لي امي واجلس اضحك !! بصوت طبعاً ..
ولا اقول يمه فلانه انخطبت واجلس اضحك !
انا شاكه ان السبب هي الادويه النفسيه .. كنت استخدمها من كان عمري ١٤ تقريباً بسبب الوسواس القهري وكنت العب بالجرعه ازيد وانقص وانقطع فتره طويله ثم ارجع وهكذا ما عندي نظام تدريج لكن الحمد لله تركتها للابد جعلني ما ارجع لها ..
فهل تتوقعون السبب منها؟ وكيف اعالج المشكله !
حتى احيانا اذا غمضت عيوني يجيني كأن شخص يضربني ع وجهي وافز