أختي المطلقة المسكينه وراتبها

بسم الله الرحمن الرحيم 
أكتب لكم من الجوال وبسرعه  عندي اختي الله يحفظها اللهم آمين من كل شر بالذات شر اخوي اللهم إنا نجعلك في نحره ونعوذ بك اللهم من شره تزوجت بعد ماتخرجت 6 شهور وتطلقت منو هذي المشكله المشكله انها بعد ماجلست 12 سنه تعينت مدرسه لها الحين سنه وشوي وراتبها 8 الاف الحمد لله المشكله اخوي اللي مو ريها نجوم الليل على راتبها طبعا أبوي متوفي الله يرحمه ويسكنه جنة عرضها السموات والأرض هو عمره 29 سنه وغير موظف وغير مبالي ياخذ كل شي على الجاهز مهي مقصره معه تعطيها 1000 الف واحيانا اقل واحيانا اكثر وتعطي اني 1000الف  وخواتي 3 مرات كل وحده 300 ومرات 500 وحده منهن متزوجه والاثنين لا المتزوجه زوجها ما يعطيها إلا 200 مو كل شهر لانه فقير واختي هذي متكفله بها من وإلى حتى جوالها كل شي 
وأختي المعلمه هذي عندها اجار بيت 1500 تدفعه والمواصلات لانها متوظفه في غير مدينتا 
المشكلة أخوي يبي منها الراتب كله طيب وين الحق في هذا  هي عندها اجار بيت تبي تداوم تلبس تاكل 
اليوم طبع على المصحف انها يقتلها او يعقوها ومعه مبلغ 3000 ثلاثة الآف ريال يبي يشري فيهم مسدس علشانها الله يحميها ويحفظها لو لاقدر الله وحصل هالشي الناس تحطه شايف شي عليها أكيد أنى كلمتها قلت لها لا تجين إلا في الإجازات هي الله يهديها تجي كل اسبوع كل خميس والوضع ما يطمن ..هو أول كان في السجن سنتين وطلع من قريب بصراحه كنا مرتاحين لما هو كان في السجن ..
حنا اقترحنا على اختي تاخذ من راتبها 2000 والباقي تعطيه اياها علشان لا يسوي لها مشاكل 
والله كانت مرتاحه لولا هالوظيفه الحمد لله إني ماني متوظغه تراه كان أول يضربني ضرب وأنا متزوجه واغيب عن زوجي علشان مايشوف الكدمات ويضرب خواتي الباقيات وامي احيانا يضربها مودايم بس اكثر شي هواش 
يابنات ادعو الله يكفينا شره اللهم آمين 
هو انسان مدري كيف جاي مدري كيف يفهم ياخذ كل شي له والله اني ارحم حاله يعني الحين خواتي ماعندهم جوالات واختي هذي الموظفه عندها جوال وجالكسي وواتس هو مو متقبل الفكره طيل كيف الدنيا تغيرت الحين كيف تكلم صاحباتها السواق ...
أنا يوم كنت ادرس في الكليه اول والله ما يخليني اذاكر ويرمي مذكراتي في الحمام الله يكرمكم  والله اني أذكر حاجات مسويها معي تدمع عيني على وضعي الحين اني متزوجه الحين وتغيرت أحوالي ...
المشكله هو نفسه مايتغير طول السنين ماتغير والسجن ماغيره ﻻ ولا شي توقعنا كلنا يتغير من السجن هو نفسه