أختي جابت لنا المرض

آسفة ع العنوان السلبي بس والله العظيم أختي من تزوجت من ثاني يوم وهي تشكي من زوجها
تخيلوا من ثاني يوم تنقل لنا كل شي يدور بينها وبينه ولو ضايقها بكلمة تجي تقول وما تكتم شي ولا تستر أي شي
وتشكي للبنت وللولد ما توفر أحد
وأنا اعترف زوجها غثيث ولسانه متبري منه لكن حنا ما نقدر نتدخل بينها وبينه
عيب توهم متزوجين ولا نبيه يدري إنها فاضحته
وللعلم اختي زوجة ثانية ومع انها تشتكي من غثاثته .. تنهبل إذا تأخر عليها وتتمشكل معه وحاطة زوجته براسها مع ان الزوجة ما جاها منها شي .. اللهم الا انها زعلت على قرايبها اللي حضروا زواج اختي وهذا شي يخصها ..
اختي دايم ترمي كلام على زوجته عنده وتتمشكل معه بهالسبب
وللعلم حنا نعرف اختي طبعها مستفز وملسونه وتنرفز اللي يتكلم معها غصب
بالمقابل الرجال قايم ببيته من وإلى وساكنة في احلى بيت وكل ليلة يجيها ومحترم اهلي وكريم معها وتارك لها الحرية تطلع وتروح وتجي ولا يمد يده ولا يتعاطى ولا حتى يدخن وملتزم بصلاته
الزبدة تو تشتكي منه
قلت خلاص ستوب اقرفتينا بهالرجال شكاوي وتنهبلين ان تأخر عليك
يختي فيه تناقض ! إنت تبين تكوشين عليه بالغصب هذي كل السالفة
طنشيه وأشغلي نفسك عنه وازعلي على كلامه الدفش وانت في بيتك .. قومي لكل واجباته لكن لا تسولفين معه
خليه يحس بزعلك ويراضيك
وانهبلت عصبت علي! تقول كيف زوجي تبيني ما أسولف معه !
قلت السالفة وما فيها انك نشبة
خلاص رجاء لا تجيبين طاريه خلااااااص ملينا تعبنا كل ما شفناك هو شغلك الشاغل ارحمينا وارحمي نفسك
وزعلت علي !
بنات صدق مدري وش اسوي والله جابت لي المرض
حتى لو اعزمها برا ابي تغير جو تفتح سيرته وتعكر جونا
حتى يوم طلاقي ولما عرفت قالت لي جملة وحدة بس
ما يستاهلك
ثم
كملت
شفتي الحقير وش سوى (زوجها)!! وقامت تشتكي منه
وانا مو في حالها وبمصيبتي
وش اسوي معها والله تعبت
لو انها مو اختي باقطع العلاقة معها وخلاص
بس ذي اختي ماااااا اقدر