أختي والتفتح الغلط

السلام عليكم 🌷
اسعد الله مسائكم جميعاً
بدخل ع طول بصلب الموضوع
احنا عائله محافظه وانا الاخت الكبيره ومتزوجه ، عندي أختي ترتيبها الرابع بينا واخر ترم فــي الجامعه كل فصل دراسي تاخذ فيه مكافأة توفق الا الفصل اللي راح ما اخذت ، تقريباً لها سنه وهي متغيره تبي الحريه والتحرر من العادات والتقاليد الصيف اللي راح كانت تحس بشي ع صدرها بينفجر كلمت وزارة الصحه قالوا تحتاجين تكلمين النفسيه كلمتيهم وشخصوها مبدئياً انه اكتئاب عندها طبعاً ابوي ما يقتنع بالامراض النفسيه وكذا بس اقنعته نوديها ودينها شخصها الطبيب انه بدايت اكتئاب طبعاً ايش قالت لطبيب اننا يااهلها مانثق فيها ونشك ومن ذا الكلام ، بيومها اكتشفت انها تداوم الجامعه وتطلع منها مع كريم تروح اسواق طبعاً بدون علم اي احد منا اللحين احنا واثقين فيها انها بالجامعه ليش هي ماتكون قد الثقه ، عرفت حسابها الخاص بتويتر وحصلتها منزله صور لها رقبتها جزء من وجهها اخر شي منزله صورت وجهها كامل طبعاً بلفتر من السناب بس اللي يعرفها بيعرف انها اختي وحسابها عام مو خاص وكان صدمه لي الله لٱ يجعلكم تشوفونها فــي حبايبكم ولا خواتكم احنا مدري ايش اسوي ودي اخبر ابوي بس ابوي بيخليها تترك الجامعه وبياخذ الجوال وحرام مابقي الا شهرين وتتخرج وماعندي اخوان كبار ماعرفت ايش اتصرف ايش ممكن اسوي اخاف لٱ تجيب الفضيحه لها طبعاً هي تقول قدامنا متى اترك الحجاب ومن ذا الكلام ...... طولت عليكم بس ابي مشورتكم .