أختي و زوجها الخائن

السلام عليكم ورحمة الله وبركاته
بنات أختي تبغى تستشيركم وتأخذ رأيكم في زوجها

تخيلوا ليلة العيد عطاها جواله علشان تشحنه ونسى يقفل الرقم السري وياليت ماشفت دخلت حصلت شافت رقم مسميه اسم غريب ودخلت الا حصلت انه يتكلم مع وحده وسوالف وكلام والله مايقول الزوج لزوجته وكل تفاصيل حياتهم اليوميه تعرفها هالحرمة اللي يكلمها أختي انصدمت تقول انا ماعرفته من طريقة كلامه مو زوجي اللي دائماساكت عندي وانا اللي اهذري ولا يتكلم الا كم كلمة بس لا وكمان الحرمة تعرف انه متزوج وتعرف اسماء عياله واختي كمان يعني ايش تبغى منه الله لا يوفقها
لاتقولون اكيد اختك ماتهتم ايوه الفترة اللي راحت صارت يالله نفسها اختي مريضة وبنتها مريضة مفروض يوقف معها ويساندها مو يخونها تارك زوجته وعياله

اختي تبغى رايكم تواجه ولا تسكت وتخليه مرة تعبها حالتها حالة تخاف تكلمه وهو ولا يهمه يرميها وهي خايفة على عيالها يتشتتون

طلبتكم وسألتكم بالله أن تدعون لاختي أن الله يفرج همها ويشفيها ويفرحها بسلامه ضنها ويرد لها زوجها ويكره في الحرمة هذه
الله لا توفقها اللهم ارنا فيها عجايب قدرتك اللهم سلط عليها مثل ما سلطت على اختي اللهم ابعدها عنه اللهم اشغلها في نفسها
تدرون اختي صارت تدعي على زوجها وعليها ان الله يفضحوهم

تكفون ادعوا لها ان يبعدها عنه حسبي الله ونعم الوكيل عليها