أخت زوجي >>> صارت ضرتي

مساء الورد لاعضاء منتداي الحبيب :26:

مالي في المقدمات بادخل في الموضوع ع طووول ياليت القى حل من اخواتي الحكيمات

المهم الاجازه اللي طافت رحت انا وزوجي وعيالي مكه وأخذنا عمره وهذه اول روحه لي انا وزوجي من بعد زواجنا من 10 سنين
وللعلم زوجي مو حق تمشيات يعني من الحرم على الفندق لا يمين ولا يسار حتى طلبته ناخذ هدايا لاهلنا من هناك يالله وافق بعد تعب المهم اخذت هدايا بسيطه واغلبها على حسابي يعني ماطلبته شي من عنده
إلى هنا تمام
المشكله اخت زوجي اول مادرت بروحتنا مكه قالت لزوجي بأروح معاكم انا وبناتي وهي متزوجه ودايم تروح هي وزوجها آخرتها شهر 8 اللي طاف
وانا اول مره اروح وابي آخذ راحتي انا وعيالي وزوجي لانها لو راحت معانا اكيد تكون بيننا رسميات ولا آخذ راحتي
ودايم إذا رحنا مكان مثلا البحر نروح مره بالسنه تقول مروني باروح معاكم مع إنها دايم تتمشى هي وزوجها ... واحيانا تتصل على زوجي يوم الخميس تقول نزلني السوق ولا تعالوا عندي
وبيتنا بعيد عنها مسافة ساعه ومع ذلك زوجي يطيعها
والله مره راح لاهله يوم الاربعاء وطلبته يوم الخميس السوق ولي اكثر من ثلاث شهور مانزلته ووافق وبعدها اتصلت عليه اخته وطلبته يراجع بامه المستشفى مراجعه عاديه وهي عارفه ان الدكتور مو موجود يوم الخميس وفعلا راحوا له ولا لقوه وتمر السوق ووداهم
ولا جاني الا يوم الجمعه العصر وقلت له ابي السوق اغراض بسيطه قالي تعبان مافيني للسوق المهم قلت له عيب عليك دايم تعبان واذا طلبك غيري سمعا وطاعه ويالله وداني والله اقل من نصف ساعه اخذت لي عبايه وبجامه لبنتي وهو ماغير يصيح علي بسرعه تعبت من الوقوف ووالله العظيم إذا نزل باخواته يجلس لنصف الليل ويأخذ لهم عشا مع العلم انهم متزوجات
وكلام كثييير ......

المهم زوجي يقول إذا رحنا مره ثانيه نتمشى أو نروح مكه لازم نأخذها معانا أنا سكت ماقلت له شي بس والله إنها تقهرني يعني تحسدني ع اول رحله في حياتي مع زوجي مع ان مافيه اي تمشيه اللهم ادينا العمرة فقط وننزل نصلي بالحرم ونرجع للفندق

ودايم مااسلم من حركاتها مثلا زوجي يوم إشترى ارض لنا مع انها بأقساط طلبت زوجي تقول إذا بديت تعمر فيها بأشترك معاك وأبني معاك وهي معلمه ليش ماتشتري لها
ولا تطلب إلا زوجي لأنه ضعيف شخصيه واخوانه الثانين والله العظيم انهم يروحون يتمشون دايم ولا تطلبهم
لكن الله يعيني عليها
اعذروني طولت وكلامي ملخبط لكن اتمنى اجد حل يوقفها عند حدها

النفسيات مشكورات لايردون:30: