بكتب لكم قصتي يابنات عالم حواء لإني أحبكم ومابي تتعرضون لشي أنا جربته وتعرضت له :
أنا كان عندي صديقة أحبها ولإني كنت متضايقة من أهلي مررة وكانت عندي مشاكل كثيرة بالبيت رحت وشكيت لها وقلت لها إلي صاير عندي بالبيت كانت مشاكل كثيرة لإن عندي (أخو مدمن) وغيرها من المشاكل مشت صداقتي أنا وياها عادي وبيوم من الأيام تغيرت علي ومرة قالت لي بصوت كله سخرية أنت محطمة وضحكت ضحكة إستهزاء وقالت أنت محطمة (تقصد محطمة بسبب إلي صار عندي من ظروف بالبيت وفعلا كنت محطمة بس ليش تسخر مني وهي صديقتي وكنت أشكي لها عشان أفضفض وأطلع إلي بقلبي وعشان أحس بتعاطف منها مو عشان أحس بسخرية مثل ماتسوي هاللحين)
ساعتها حسيت ودي الأرض تنشق وتبلعني وحسيت أن ماعندي عزة نفس رحت عنها وقعدت أفكر وأقول بنفسي ياليتني ماشكيت لها لو أهلي يحطوني بالنار ومرت الأيام وصارت تحتقرني وأحسها تتشمت فيني بسبب فعايل أهلي بلحظتها حسيت أهلي ماسوو فيني شي مقارنة بجرحها تمنيت مليوووووون مرة إني ماقلت لها عن أهلي شي ندمت
أخيرا: يابنات مهما أقولكم شعوري ماقدر أوصف بس لا تشكون لأي مخلوق من أهلكم لو أهلكم أحقر بشر موجودين على ظهر الأرض لأن بعض الناس فيهم خبث بالبداية يتعاطف معاكم وبعدين يطلع وجهه الثاني الحقير ويقعد يطنز عليكم وبعضهم يمكن يقول لكم أنت أهلك ماتحملوك شلون تبين الناس يتحملونك ؟؟؟؟وبعضهم ممكن يقولك تستاهلين كل شي سووه أهلك فيك !!!وبعضهم ممكن يجرحك ويقول لو فيك خير ماسوو أهلك إلي سوو فيك !!! وبعضهم يحتقرك ويحتقر أهلك ويطلع كل أسرار بيتكم للناس !!وبعضهم يحس محد يبيك وماوراك سند !! وبعضهم نفس ماصار لي يتشمتون ويقولون عنك محطمة بسخرية وإحتقار
يابنات أحذروا تطلعون أسراركم وأسرار أهلكم لأحد أحذروااااا
وإلي حابة تضيف شي لموضوعي بخصوص إنا مانشكي من أهلنا لأحد وبخصوص مانطلع أسرارنا تكتب
خالة عيال أختها @khal_aayal_akhtha
عضوة نشيطة
يلزم عليك تسجيل الدخول أولًا لكتابة تعليق.
loletacute-15
•
اقطعيها
كل واحد يعمل بأصله وأخلاقه ,أنتي نيتك حسنه وطيبه وهي العكس والخلل فيها ,ومعك الصديقه الوفيه نادره ,نعم موجودات لكن قله وأهم شيء بإختيار الصديقه أن تكون تخاف الله والوازع الديني عندها مرتفع ,الله يهدي أخوك ويبدل حياتكم لسعاده وإستقرار.
* سديم *
•
تخيلي لي صديقة وقفت معها في مرضها وفي مشاكل عندها وقفات ماوقفوها أهلها وكانت تحكي لي كل شي في حياتها .. وفي يوم كنت افضفض لها وقلت إن ولدي تعبني في المذاكرة ومايسمع الكلام تدرين ايش سوت ؟! جلست تتمسخر وتقول لو ربيتيه زين ماكان سوا كذا وتقول تحسبيني كسلانة مثل ولدك ؟!!!!
الصفحة الأخيرة