أخواتي أبغى نصيحتكم ودعواتكــــــم ... الله يجزاكم خير

السلام عليكم ورحمة الله وبركاته ...

أتمنى تقرون موضوعي وأنتم بأتم صحه وعافيه ..

الله لايهينكم يابنات أبغى من الجميع نصيحه ودعوه لي من القلب وهذا مو كثير علي صدقوني ... لأني بمشكله ولي سنه ولين اللحين ماإنحلت ...
أنا يابنات مخطوبه لواحد مو من قرايبنا .. عمره 27 سنه أو 28 سنه ، مدرس ،
طيب القلب ، ماديته مش ولابد ، راتبه 4000 وشوي ، لما خطبني قال للوالد الزواج بعد سنتين ووافقنا ، طلبت منه ياخذ قرض من البنك وأخذ 100000 ريال (مئة ألف) .. ودخلها بصندوق الرائد ومثلكم عارف السوق كيف طايح هالأيام .. وراح يجلس يسدد في هالقرض 5 سنوات ..فكرت أقترح عليه يسحب المبلغ لايضيع كله وقلت له قال اذا ضاعت الفلوس ضعنا .... أنا ضاق صدري وجلست أقوله إحمد ربك على العافيه ... وقال لو سحبتها بسافر فيها ... بصراحه ضاق صدري منه مافكر يقدمها لي مهر مافكر بحياتنا، لأنه يمكن حاط في باله سنتين ، وعلى حسب كلامه عنده التزامات أكبر من الزواج حاليا .. هو أبوه متوفي وعنده أخو وإخت صغار وبيتهم دور واحد أجار يعني عنده هموم مايعلم فيها الا الله ... بنات وش تقترحون علي أكلمه مره ثانيه يسحب المبلغ والا يخليه بالصندوق على أمل انه يتحسن السوق ؟؟!!
الله يخليكم لاتبخلون علي أبدا ... هو اللحين نقلوه من القريه اللي كان يداوم فيها لمدينه غير الرياض وبيداوم أيام عودة المعلمين ...

أنا حاليا أبحث عن وظيفه علشان أجمع لي قرشين يكونون لي وله سند بعدين ...

بصرااااااااحه يابنات أنا أحبه ولايمكن أفكر أتركه بسبب ظروفه بس محتاجه لكم ونصيحتكم ودعواتكم لي ان الله يفرجها علينا ونجتمع في بيت واحد عاجلا غير آجل ....

كل وحده تدخل تعطيني رايــــــــها لأنه يهمني أعرف أنا على صح أو غلط ...