أخواتي الفوضويات >> عطوني حل يا بناااات

السلام عليكم :)

المشكلة إلي عجزت و أنا أحاول أحصل لها حل هي فوضوية خواتي و عدم شعورهم بالمسؤولية ،،

تلقين غرفة النوم مقلوبه فوق تحت كل شي مرمي ،، التسريحة تسد النفس كلما رتبتها ترد تعتفس مرة ثانيه ،، من غير بقية البيت رتبيه و نظفية الصبح بس ييجي الظهر كأن انفجار مستوي ،،
ما فاد الكلام أمي وأنا تعبنا ،، كل ما أقول لهن تعبت خلكن آنسات مرتبات فضيحة هذا بيت بنات يتحججون بأن الصغار هم إلي يعفسون مع أن خواتي وحدة عمرها 6 و الثانية 2 ،، وعندي أخو وحيد الله يحفظه عمره 8 ،، و البقية أعمارهن من 12و فوق .

أنا ترتيبي الثانية أختي إلي أكبر مني ولا يهمها شي كأني أنا الكبيرة ما تتحمل أي مسؤولية :frown: إذا أمي مريضة أو مب موجودة بالبيت أصير أنا الأم >>:09:

كرهت تييني أوقات أكره شي أسمه زواج ،، أتخيل نفسي أم و أتحمل مسؤولية زوج وعيال :arb::04: >>> لاااااااا :06: ،، مع أن أمي و كل يحد يقول لي إني ينشد بي الظهر :2thmup:


لا تقولوا لي خل يساعدونك و يرتبون و ينظفون لأنهم يرتبون و بعدين ولا كنه شي صار :o ،، لأن أمي لما كنا صغار و ينعفس البيت ترتبه روحها ما تشد علينا و تقول لنا رتبوا إلي عفستوه ،، يعني ما حملتهم مسؤولية أنفسهم كل شي يحتاجونه هي تسويه ،، آسفه طولت عليكم