أخو زوجي في شقتي :(

السلام عليكم ورحمة الله وبركاته

بنات أنا زوجي سوالي شقة في بيت أهله وقالي مابتحسين انج ساكنة عند أهلي وللأمانة شقتي منعزلة وعندي باب ينفتح على بيت أهل زوجي ،، أنا علاقتي فيهم طيبة الحمدلله ،، بس مااحب أحد يدش شقتي وأنا وزوجي مو موجودين فيها وكذا مرة أرجع من برى الاقي أخو زوجي قاعد في صالتي !! ومرة أم زوجي ،، وتكلمت مع زوجي إن هالوضع مايعجبني ،،

يوم الثلاثاء كان عيد الأضحى في الليل طلعت مع زوجي وعيالي ،، يوم رجعنا دشيت شقتي لقيت أخوه قاعد !! ،، أنا ثارت أعصابي بس كتمت وسألت زوجي أنت سمحت لأخوك يدش الشقة ؟ قالي أي ،،

ماتناقشت مع زوجي على طول اتصلت حق ابوي ومر خذاني وكنت مقهوووورة ،،

الى اليوم وأنا في بيت ابوي ، زوجي يقولي أنا ماسويت شيء غلط شقتي وكيفي ادش اللي أبي ،، وأنا أقوله ماعندي مشكلة بس وأنت موجود في الشقة بس محد فينا موجود وأخوك يدش شقتي أنا مااسمح بهالشي وإصلا مايريحني ، قالي أخوي في الصالة مو في غرفة نومج ،،

مااعرف شسوي أنا قلت حق زوجي إذا تبيني أرجع الشقة طلبي سهل وهو إن محد يدش شقتي ومحد موجود فيها ،،

زوجي مو راضي يوافق على طلبي يقولي أنا كيفي بشقتي اللي أبي ادشه بدشه

انصحوني شسوي ،، أنا مابي أرجع شقتي لأن مابتصير لي كلمة بعدين

للعلم أخو زوجي عمره 30 سنة