أخ صاحبتي أكتشف ان خواته يخونوا ازواجهم

السلام عليكم
الموضوع مصيبة وسواد وجه وشرف عائلة كاملة بينمحى في التراب.
يابنات مالي غيركم بعد الله.
صديقتي امس الفجر دقت علي وهي نفسيتها تحت الصفر بسبب فعايل خواتها المتزوجات.
بحاول اختصر قدر الامكان.
هم ٣ بنات متزوجات
الكبيرة اللي هي صديقتي الروح بالروح هي العاقلة فيهم مختلفة عنهم من صغرها دايم مركزة في دراستها ولما تزوجت واشتغلت مركزة ببيتها وشغلها اما الثنتين اللي اصغر منها اعمارهم ببداية الثلاثين.
دايم مع بعض وروحات وجيات وكل وحدة شاري لها زوجها سيارة ويسوقوا وعايشين برفاهية وعندهم بنات واولاد.
المهم ان أخو هالبنات بالصدفة كان يبي يتصل من جوال اخته ولقى بالاشعارات صورة شاب.
وهنا كانت الصدمة والمصيبة.
دخل على الصورة والاسم وعرف الشخص يقول هالشخص معروف انه راعي بناااات وخرابيط أقل شيء تقول عنه انه قواد وابو بارتيات ومراقص وحساباته كلها بلاااوي
تكمل صديقتي وتقول ان اخوها واجه اخته وهي بالبداية انكرت بعدين جابت عذر انه شخص مشهور وهي ضايفته بس.
لكن بعدين اعترفت وهي تبكي انها ارسلت له صورتها بالحجاب.
والاخ هذا اكتشف من خلال استجواب اخته بمصايب اكبر
ان هالاخت اعطت اختها الاصغر سنابه وضايفته وعندهم صديقتين كمان نفس الشي
هالأخ تعبت نفسيته وكلم اخته الكبيرة اللي هي صديقتي وقامت تبكي وتلطم
يقول لها ان يبي حل هو جمعهم وهددهم يبلغ ازواجهم
وانه بيكشف المستور لكن وقتها بكوا قدامه ووعدوه يتغيروا .
تقول لكن للأسف خواتها مستمرين بالطلعات وتو قبل فترة سافروا بدون ازواجهم للترفيه
يعني ابد مو مهتمين لأخوهم يمكن لأن اصغر منهم او ماحسوا ان ممكن ينفذ تهديداته.
الأخ صار يتعالج بالمستشفى لان دخل حالة اكتئاب.
والأخت كلمتني تبي مشورة.
تقول ابوها رجل حكيم هو اللي له الكلمة بالبيت وطول عمره مربيهم احسن تربية ودايم يفتخر فيهم ويرفع راسه بالبنات ويقول ليت ذريتي كلها بنات.
الأب لو عرف الآن بينهار خصوصآ انه راعي سكر ومايتوقع ولا. واحد بالمية ان هالشي يصير فيه.
لكن الاخ يقول ماعندي خيار اما اكلم ابوي
او اكلم ازواجهم يمسكونهم ويلمونهم او اني برتكب جريمة واقتلهم واغسل العااااار
طبعآ كل حل اصعب من الثاني
تقول ماهي عارفة راسها بينفجر
صديقتي ماخبرت احد الا انا لأنها تثق فيني وما قالت لي الا بعد مرور اكثر من شهر ع الموضوع بعد مافاض بها الهم وحست انها مو قادرة تشيله لاهي عارفة ولا اخوها.
بنات اعذروني كتبت هالموضوع ويمكن ضايقتكم بس بجد ابي مساعدتكم
لو الموضوع محاداث وبس يهووون لكن الاخ شاك بالاعظم يقول لان هالشاب مايكتفي بالمراسلة هو انسان قذر بكل ماتحمله الكلمة
ويلعب ع الحامي ولا يهمه شي.
بنات اللي عندها حل لاتبخل به
الله يرضى عليكم ويوفقكم