أدخلو وشوفو قصتي بالعيدهذا!!!!!!!!!!!!!

السلام عليكم ورحمة الله وبركاته

كيفكم ياحوائيات.............. ي**** بسم الله ابدأ جونا أهل زوجي يوم الاجازه طبعا لاجازه هذي الدور علي يقعدون عندي لان نهاية شهر 11 جو أربعاء وخميس وجمعه وجلسو عند سلفتي أي عند ولدها الكبير المهم كنا مبسوطين. ويوم تخاصمت أنا وزوجي تعرفون الحياة ماتخلو من المشاكل وأهله راحو زياره عند أخوه الكبير وأحنا كنا بنلحقهم المهم رحنا ودخلنا البيت جلسنا شوي وإلا عمتي خرجت راحت السوق وجلسنا أنا وسلفتي وهو برضو خرج من غير مايقولي المهم أتصلت عليه عشان اشوف هو فين مارد وأنا كنت عارفه أنه راح يشوف المباراه في القهوه لاني سمعته قبل يقول اليوم فيه مبارها باروح أشوفها وقمت أرسلت له(له الدرجه المباره مهمه عندك تخليك ماترد علي)وطنشت إلي مادق علي وقالي أيش الكلام إلي أرسلتيه أيش المباره أهم في النهايه قالي تبغين شئ قلت أنت جاي قال ماأدري يقوله وهو معصب قلت فين رايح قال جهنم الحمراء تبغين شئ قلت لا وقفل وبعد ماقفل تضايقت شوي ورجعت دقيت عليه على أساس يجي يرجعني البيت بس مارد وبعدها قفل جواله أنا ماقدرت أمسك نفسي وأخذت نفسي في غرفه وقمت أبكي وشافتني سلفتي وقالت لي أشبك ليش تبكين قالك شئ فلان............زعلك في شئ قلت لها لا قامت تحاول تهديني وفجأه حصل لي شئ فضيع صارت ضربات قلبي سريعه لدرجة ماقدرت أخذ نفس من سرعتها وجسمي كله نمل وصرت ماأحس فيه جاني زي التشنج وأنفجعت لاني ماقدرت أحرك يدي وأطالع فيها وابكي وأصيح وجت سلفتي وتهدي فيه وتقرأ عليه وجاء أبوه وقام هو يهدي فيه ويرش علي مويه ويقرأ إلين هديت وقام أتصل بزوجي وأتصل بعمتي إلي ما أبدت أي أهتمام وياليته ماأتصل عليها المهم هديت وقامت سلفتي تقولي قومي لاتخلين عمتي تنظر لك منظر الشفقه وسمعت كلامها على قومتي إلا عمتي دخلت وقالت فين فلانه إلي هي أنا هاشوفو طيبه مافيها شئ وأنتم تقولون تشنج تشنج التشنج يأمي يجي من حراره وإلا من زعل أنتي زعلانه من زوجك المشكله تقولها وهي تصيح ومعصبه وتوجهت لسلفتي إلي مالها ذنب في الموضوع وقالت له أنتي يافلانه تحبين تكبرين الموضوع وقامت سلفتي تجادله وتقول ليه أكبر الموضوع ليه أبغا أسبب فتنه أيش شايفتيني وبعد جدال دخلت سلفتي غرفتها وتوجهت عمتي لي وقالت لي وأنتي من أيش زعلانه من فلان تقصد زوجي أنا أنقهرت من طريقة دخولها علينا وطريقة كلامها وقمت قلت لها ماني زعلانه من أحد أحب أحتفظ بالي فيه داخلي وإلي كلمك غلاطان أنا ماكلمتك وقالت لك تعالي وعصبت وقالت أنتي زعلانه من الشغاله مني وإلا من أهلك إلي بعيدين ماعندك إلا زوجك تزعلين منه زعلتي عشانه قفل جواله وكان وقت ماهي تكلمن أبوه الله يسعده يمسك بيدي ويسحبني وقامت صاحت فيه وفكت يده من يدي بقوه وقالت أنا قاعده أكلمها ليش تسحبه من عندي قمت أنا رحت وخليته دخلت الحمام الله يكرمكم وهي راحت عند أولادها وزجها في المجلس وقامت تتكلم كلام شرو غروي وتقول هي ليش تكذب وهي تمثل علينا عشان نجيب لها زوجها زعلت عشان زوجها قفل جواله وش عليها منه يقفل جواله هو حر هو رجال وعشانه يغازل خليه يغازل هو حر وقامت دخلت عندي وأنا جالسه في الصاله وقالت أنتي ليش تكذبين وتقولين أنك منتي زعلانه من أحد قمت رديت قلت أنتي من يوم ماتزوجت وأنتي تتهميني بأني أكذب وأمثل قالت أيوه أنتي تكذبين وتمثلين قالت خلاص أنتي حاطه في راسك أني كذابه خلاص حطي وأتهميني عادي ماعاد يهمني وقامت من عندي ماتتصورون يابنات ماأخفيكم قد أيش حسيت بوحده وضعف و خوف
جاء زوجي ودخل المجلس وقامت أمه تتكلم وتتكلم وتصيح وبعدين دخلت جوه وقمت ناديت زوجي أبغا أتكلم معاه قام صاح فيه وقال أدخلي جوه ماني جاي وقمت أصريت إلين جاء وقال نعم أيش تبغين قلت أبغا أتكلم معاك قال خلاص ألبسي عبايتك ويالله قدامي السياره ولبست عبايتي جلست ساعه وأنا واقفه استنا واسمع عمتي تتكلم فيه
ماخلصت أرتفع ضغطي من كلامها ودخلت وقلت لها الله يسامحك بحق هذا الشهر الكريم الله يسامحك أحسها كلمه غبيه تندمت أني قلتها حسيت أنها غبيه بقوه المهم ردت علي اللهم أمين وفتحت باب الشقه وخرجت ونزلت تحت ولحقني زوجي وركبت السياره وأن أبكي قام زوجي يصيح فيه قال أنتي جاك تشنج قلت أيه قالي كذابه قلت خلاص مو لازم تصدقني ووصلنا البيت وصار جدال بالكلام حط إلي صار كله على راسي قال أنتي السبب خليتي أمي تزعل على فلانه قصده سلفتي وتزعل من أخوي الكبير وهو كذاب زعلت منه عشانه دافع عن زوجته وقاله ياأمي ليه حطيتيها في راس فلانه إلي هي سلفتي هذا الحين كلام أأخوه الكبير يوم يدافع عن زوجتهالمهم أكمل لكم كلام زوجي قام يقولي أنتي خليتي أمي تزعل من أبويه وأبويه يزعل من أمي ويزعل مني ,امي تزعل عليك وأنتي تزعلين منها
أنتي سويتي الفتنه هذي كلها ماتتصورون قد ايش كرهته وطاح من عيني وأنصدمت منه
قعدت في غرفتي تقريباً يومين ماأشوف أحد ولا أكل ولا شرب وحتى هو جاء ينام في الغرفه قلت له لاتنام هنا روح نام في المجلس لاني أبغا أجلس لحالي وراح المهم بعد يومين جاء يصالحني وتصالحنا وللحديث بقيه بريح أصابيعي وأرجع لكم