أذنبت في حق إبنتي

أخواتي أبي مساعدتكم ونصايحكم عندي بنت الله يخليها لي في رابع إبتدائي احس إنها راح تكون معقدة بسببي لاحظت إنها تبي حنان تعطيني خدها تقول بوسيني تنام جنبي تقول تخيليني نونو وضميني تسألني بااليوم اكثر من مرة إ نت تحبيني ولا لا قهرتني بأسلوبها تبي حنان كأنها طفلة صغيرة المشكلة إني حامل وعلى وجه ولادة وأحسها من اللحين تغار من البيبي ودي أضمها وأبوسها لكن احس إنها كبرت وأنا أغلب وقتي مشغولة باالبيت وبتدريسها وإذا نامت اندم إني مااتكلمت معاها ولا حسستها بحناني وفي مشكلة ثانية سمنتها احس إنها زايدة باالوزن وتاكل بشراهة وحتى الملابس اعاني حتى القى اللي يناسبها والفترة هذي أحس إنها إذا إجتمعت مع بنات رشيقات ولبسهن حلو تنعزل تغيرت ماهي مثل أول مع إنها من صغرها عندها زيادة بوزنها واللي قهرني كنا في مناسبة وطفل من الأطفال يقولها يما جتنا ام كرشة أنا إنقهرت ومشيت عشان بنتي أخاف بنتي تتعقد بسبب هاالسمنة وغير كذا بدت عندها بوادر البلوغ برز صدرها وطلع لها شعر تحت إبطها توها صغيرة باالله عليكم ساعدوني حتى اخلي بنتي احسن وأحلى بنت كيف أخليها تتخلص من وزنها الزايد كيف اوفق بين وقتي بتدريسها والإهتمام بشؤون البيت ولكم جزيل الشكر