أرجوكم جاوبوني, يتني الدورة بعد الأربعين بعدين قطعت؟؟

عزيزتي ريف اولا الف مبروك على البيبي الجديد
ثاني حبيبتي انا حصل لي نفسك بالظبط جاتني الدورة بعد الاربعين على طول وبعدين قطعت
ولما رحت حللت قالوا لي حامل انا كنت بروح فيها من الصدمة بعدين اعدت التحليل وطلعت مش حامل
مع ان الاثنين كانوا تحليل عن طريق الدم!!! بس المستشفى يختلف
المهم الان عمر ولدي سنة ونصف وللان الدورة ماشرفت من بعد الاربعين مع العلم اني ارضع طبيعي بدون اي اضافة صناعية..

اتمنى اكون افدتك

مشكورة اختي.. شوي طمنتيني,, هو هذا الشي نعمه والحمدلله ع كل حال بس بعده ولدي صغير واحاتيه.. ان شالله لما يكمل سنتين ع الأقل, بس برجع اعيد التحليل

الحمد لله على السلامه ومبروك عليج البيبي .. جعله الله من ابناء البر والطاعه انشالله..

حبوووبه اذا انتي ترضعين طبيعي عادي جدا ان الدوره تنقطع عندج ..

هو صحيح يختلف بين وحده وحده بس عادي انها ماتجيج الا بعد ماتفطمين ولدج ..

يعني انا تجيني بعد الاربعين مره وتقطعني 6 او 7 شهور .. وعقب تنتظم طبيعي ... حتى وانا ارضع ...

حماتي من بعد دوره الاربعين تجيها مره وتقطعها لين تفطم ولدها بعد السنه وشوي ..

تطمني حبووبه انشالله مو حامل ..

عيدي التحليل الصبح اول ماتقومين من النووم ..

انشالله تكون النتيجه اللي تبينها ..

مشكورين خواتي.. انا حاسه بالذنب من هذا التفكير.. انا احب اليهال بس ولدي صغير والله يعطيني غيره يا رب ولا يحرمني منهم..

هلا عزيزتي
لاتحسين بالذنب ولا شي
كلنا فاهمين شعورك واحساسك لان المرأة تحتاج لفترة من الراحة بعد عناء الحمل والولادة
وسبحان الله ربنا حدد فترة رضاعة الطفل سنتين غير حملة وولادته
يعني هالسنتين هذي تكون له لحاله من غير مشاركة طفل ثاني معاه ومن المفروض ان الزوجين ينضموا نسلهم حتى ياخذ الطفل حقه الكامل من التربية والاهتمام ويكون سوي نفسيا وجسديا..
ان شاءالله يارب يعطيك الي تتمنينه ويسعدك في تربية طفلك الجديد