أرجوكم كثفوا الدعاء لأخوي

السلام عليكم
ماودي أكثر كلام ويعلم الله أننا هلكانين نفسيًا وتعبانين
أمي وابوي أموات وتركوا دواماتهم مفجوعين ورافضين اي تدخل مننا , اشكالهم لاحول ولا قوة الا بالله
وكم مره أسمعهم يتكلمون كيف ان قلوبهم تعصرهم عصر
يعلم الله اني اروح لمكان دوامي ولا ادخل من الباب من حر مافيني ..
يعلم الله ان قلبي يحترق ويعلم كيف أنا احب أخواني لدرجة العبادة يعلم الله أني من صغري وأنا اخاف عليهم من الهواء
يعلم الله اني تمنيت موتي لحياتهم وسعادتهم يعلم الله اني بصحتي ومرضي أثرهم علي يعلم الله انهم نقطة ضعفي
ويعلم الله أن هذا فوق طاقني
أنا انسانة قوية بس اخواني اخواني زي عيالي .. احبهم اكثر من نفسي حتى هم مايدرون ...
جعلكم في الجنة أدعوا لأخوي بكرة بيسوون له عملية عشان يشيكون اذا فيه ورم أو لا
وأنا يابنات خلاص خلاص ماعاد اقدر انام ولا اتنفس اشيل همه لأنه رهيف وخواف واشوف دموعه المحبوسة ولا من امي وابوي الي بحياتي كلها
ماشفت اضعف منهم هالفترة .. حسيت اني في بحر واغرق فيه ..
تكفون تكفون تكفون ادعوا بس أن الله يريحهم أنا ما ابي شيء ومستعده لكل شيء بس ادعوا تكفون ان الله يريح قلب امي وابوي واخوي
ويمتعهم بصحة وعافية وياخذ عمري وصحتي لهم ..
يابنات انا انسانة بعيدة كل البعد عن الصلاح بس كل اعمالي الصالحة نيتي كانت لأخواني وأهلي عمري مافكرت في نفسي ولا دعيت لنفسي ولا تمنيت الخير لنفسي
كله لأخواني .. جعلكم في الجنة ادعوا ياخذ الي فيه ويحطه فيني .. على الاقل محد بيزعل علي كثر زعلهم على اخواني
بس ابي تدعون .. لو دعوة لو كلمة
الي بتقوم الليل لاتنسى تدعي له .. والي بتصلي الضحى لاتنسى تدعي له
أنا خايفة .. خايفة .. خايفة
الكلام سهل بس لما صار واقع اقسم بالله غير .. مين يصدق اني امر بهالمرحلة
قلبي يعورني يبنات يعورني
يارب انك لاتحمل نفسًا مالاتطيق
يارب يارب يارب ارحم ضعفهم يارب انك حق ووجهك حق والموت حق
يارب انهم ضعوف يارب ارحم ضعفهم يارب لاتجعل المصيبة في صحة احد منهم ولا في دين أحد منهم
يارب يارب يارب خذني اليك قبل كل واحد منهم