أرضي كرامتي أو كلام الناس !!

محتارة بين شيئين (كرامتي= عدم الزواج به ) أو (كلام الناس والمجتمع = الزواج به)
التفاصيل: أنا كنت مخطوبة من سنة كاملة، واقصد بالخطبة هو خطبة رسمية بين الأهل من دون عقد (ملكة) شفته وشافني واهله جابولي طقم صغير، المهم هذا الرجال فيه عيوب كثيرة لكني وافقت لانه ولد عمي اول شيء وثاني شيء لانه وافق على شرطي، هو ماكان شرط كثر ماهو ظرف، يعني انا اشتغل بالمنطقة اللي ساكنة فيها ومجبرة مرة اني اظل في هذي الشركة عن مدة لا تقل عن 7-10 سنوات.. وخطيبي وافق على هذا وقال اننا بنسكن في منطقة اهلي...وهي مدينة كبيرة..احتفظ الاسم لنفسي. هو يسكن في منطقة اشبه بالقرية صغيرة نوعا ما..هكذا تمت الخطبة.. فجاة اصر على الملكة.. ويوم يسألونه اهلي وين بتسكن بعد العرس يتجاهل ويقول يصير خير.. وعندما اصرو على المعرفة ..وهم يقصدون انه ياخذ شقة هنا في منطقتي.. ويوم احس اننا مصررين قال انا ما اقدر اسكن هنا..واترك امي وابوي.. نحن بنتزوج وبنعيش في بيت اهلك وايام الاجازة نروح بيتنا ..! ويوم عرف اني موب موافقة .. كان يهدد انه بيزوج وحدة ثانية.. ويقول هذي بنت وتعاند << يعني كان مبدأه البنت مالها كرامة.. مادري

المهم انا محتارة الان وقبل احب اني اقولكم مواصفاته...
يشرب سجارة وهذا اكره شيء عندي... معروف انه يغازل بنات ويروح للأماكن اللي فيها هذي الحركات... راتبه ضئيل جدا...دارس لحد ثانوية عامة....يجامل وايد... يزعل ويعاند وايد...

انا عمري 21 سنة، طموحة مررة، جامعية بامتياز، مخلصة، واذا شخص طاح م عيني يطيح يعني صعب اني اثق فيه مرة ثانية..

وحبيت اني انوه اني ما عندي أي شعور تجاهه ، اصلا كيف بتولد شعور.. هذا خطبة تقليدية..يعني ما صارت ملكة جلسنا مع بعض او اعرفه عشان مثلا احس بشخصيته.. وانا اذا وافقت الحين على اللي هو يباه بيكون السبب اني اتزوج.. عشان كلام الناس ما يقولون انه البنت عنست... أما من ناحية السعادة احس اني بسوي شيء كاني مجبورة عليه الا ا شاء الله ...

حبيت ان تخبروني أراءكم وتتعون لي ان ربي يسهل اموري.. عطوني من خبرتكم .. اخاف اوافق واعيش بتعاسة.. واخاف ما اوافق واعيش بعنوسة.. ترا انا العنوسة ما تخوفني بس عشان اهلي وكلام الناس.. يمكن الكلام ملخبط بس لاني كتبته وانا محتارة وقلقة...
اذا ما فهمتوا شيء قولو لي واوضحه
:44::(:44:
والله يوفقكم أخواتي وامهاتي