أريدعلاج عاجل للبواسير

حكي الانامل :

السلام عليكم حبيبتي انا توني جايتني البواسير الله يكفينا ويكفيكم شرها ويريحنا منها ولازلت فيها وبعطيك كل شي جمعته عنها: اول اسبوع استخدمت الصبار اللي قالت عنه الاخت شي الفجر وبالفعل ارتحت عليه هو الرابط هذا: http://forum.hawaaworld.com/showthread.php?t=2234169 والاسبوع الثاني راح استخدم هذي الخلطة لان الكل يقول انها رااائعه وانا كنت ابغى اسويها قبل الصبار بس ماكانت عندي وبديت بالصبار وقلت لازم اخلص الاسبوع كامل وبعدها اسوي الخلطة هذي -وهي خلطة الخواجوا المعروفة للجروح والبواسير وللخياطة بعد الولادة- وانصحك يها بقووووة: http://forum.hawaaworld.com/showthread.php?t=372075 او هالخلطة (مع اني ارجح الاولى ) : http://forum.hawaaworld.com/showthread.php?t=2258028 وما تتركين شي اسمه كريم نيو هيلار ( وهذا صرفته لي الدكتورة مع تحاميل ملينة عند الضرورة) ما اتذكر اسمها بس سعرها كان غريب -3 ريال- وعليتها احمر مع ابيض او برتقالي وابيض.. وترى الكريم صرفته لي لمدة اسبوعين استخدام -بس انتبهي ترى انا حالتي مرررره صعبة وقالت لي احتاج عملية بس حامل ولا اقدر اسويها- فممكن تستخدمينه اسبوع او لما تتشافين. ................ اما الاكل فأنا جربت كل شي ولا ارتحت الا على التالي: اول ما اصحى كاس او كاسين واذا تقدرين اكثر اشربي الى 4 كاسات ماء فاتر او دافئ وبعده حبة تفاحة بالقشر وبعدها افطري فطور بسيط ولازم الخبز اذا بتاكلينه تاكلينه بر والبيض مره وحده كل 3 ايام والجبن ومشتقات الحليب حاولي تتجنبينها وبعدها ممكن بساعه تاخذين لك كوب نعناع او سلطة خفيفة ولما يجي الغداء كلي خضاااااااار واهمها الكوسة والقرنبيط -زهرة- وحاولي تخففين من النشويات بشكل عام وبعده بساعتين او ساعه كلي حبة او حبتين برتقال وبالليل كلي لك حاجة خفيفة مثل شوربة وكثري من السوائل كثييييير بس اتجنبي الشاهي وخصوصا المر واللبن وكل المعجنات اتركيها على جنب لما تتعافين بإذن الله وبعدها كلي اللي تحبين . (وتذكري ان الاجسام تختلف عن بعضها -يعني ممكن اللي يناسب للناس تلاقينه مايناسب لك!!- فلاتترددين في تركه ) والله يوفقك يارب ويسهل علي وعليك,,

السلام عليكم حبيبتي انا توني جايتني البواسير الله يكفينا ويكفيكم شرها ويريحنا منها ولازلت...