أريد الطلاق بعد سنين من الصبر ..الحكيمات

السلام عليكم ..
عندي كلام كثير كاتم ع قلبي بس باختصار بسطور..
الي خلاني اكتب لكم اليوم اني زعلانه ع نفسي ووصلت لمرحلة الجفاف العاطفي ﻻ اقدر أخذ وﻻ أعطي الضحايا هم انا زوجي أبنائي
لي مواضيع كثيرة توضح جزء من المشكلة بس الحين انا في حالة انهيار نفسي وقررت اروح المحكمة ارفع قضية طلاق ..
زوجي مثل كل الأزواج بدايات الزواج طاير فيني ومحسني اني أميرة مثل كل هالازواج ما شفت غير ويلات أهله كل حياته من يوم تزوجته ما عنده غير أهله يمدح فيهم ي تضارب معاي ع شأنهم عادي يهيني عشان امه من يوم تزوجته محسستني اني متزوجة شيخ كل ما تتكلم أحمدي ربك أحمدي ربك كأني كنت طايحه في كبد أهلي والعكس هو الصحيح هو الي كان يدور من بييت لبيت يدور زواج قعدت معاه سنتين بدون اطفال كلها مشاحانات بسبب اهله وهو كل تفكير وهمه العلاقه الخاصه مشاكل مع اهله مطبخ وعيال ضرايب مع خواته الغير متزوجات ومعاه هو في خياناته لي كان يكلم وقبل الزواج كان له علاقه حاولت بكل الطرق انه الزواج ما يتم لدرجة اتصلت بي وخبرتني رغم أنه كان يحاول يستر وايد بس الله كشفه خذته ع قد حاله وقلت مب مشكله خذوهم فقراء وعلى كل هالي صار خلال هالسنين عمري ما دخلت أهلي رغم أنه اهله كان يدخلون وهو كان يحاول يوقفهم عند حدهم من تسع سنوات ساكنه معاهم كنت بغرفة وحمام تطور الوضع وصار عندي عيال وصارو غرفتين وحمامين ومطبخ مشترك وأي شيء خاص بنا نحن بهاي الغرفين امه مشاركتني قسمي لي ع هالحال سنتين ما يحق لي اقول وﻻ كلمة في البيت وﻻ لي رأي وﻻ الصغار وﻻ الكبار يحترمون ي الحشمة والاحترام له هو بس أي رسالة لي يوصلونها لي من خلاله قاطعيني بدون سبب قاعد معاهم ساكتين أقوم يتكلمون صرت انا الثانية ما قاعد معاهم وﻻ أحب اسولف معاهم لو طلعت لو رديت أكبر هم عند امه تعرف وين بروح لكن ممنوع انا اعرف أي شيء عنهم نهائي حتى بناتها المتزوجات تقرب ولادتهم يعلنون كأني بحياتي ما حملت ﻻ الحمدلله والشكر رمضان وما أدراك ما رمضان تعيس معاهم ﻻ بعد الحدود الحمدلله والشكر يا اسوي معاهم يا تلاقي العين الحمرة والنفس المسدودة يوم تقعدين معاهم كأنه اللقمة محسوبة عليج لي تسع سنوات وﻻ خدامة تقعد عندي رغم أني أكرمهم بالأكل بالشرب باللبس بالطلغه وفوق هذا الشغل عندي خفيف السبب الرئيسي امه والثاني كثرة الخدم في البيت والكل يبى يتسلط ع خدامتج تقوم تطفر وتروح عندي مؤهلات وأقدر اشتغل بس ظروف عيالي الصحية تمنعنا عندي اثنين من ذوي الاحتياجات الخاصة تعبت أصيح ابكي اموت قهر وحزن على شبابي ونفسي سنين وانا على عيالي من مستشفيات مواعيد دكاترة وهمه شماته وكلام على عيالي مرة اخته تقولي ولدج مب صاحي كأنه ..... طبعا تفاول عليه ولدي صح فيه اعادقه لكن الحمدلله ذهنه سليم الف الحمدلله والثاني كذلك إعاقته ما تمنع انه يفهم اني امه وهذييلا خوانه بس شو نقول أصحاب العقول في راحه اااااااااه كم هي تحرق فؤادي من سنين أصبر بس وصلت لمرحلة خلاص ماقدر الريال فقد الرومانسيه معاي ومعاه حق انا انسانة مب ماكينة الأحق على عيالي وﻻ عليه والخدمات ما يقعدون أحس انه تفرح يوم تشوفني بلا خدامة أقسم بالله ماخذني وردة بياض على دلع على حلاوة تسع سنين من عمري معاه ادمرت صرت عصبية خلقي ضيق ما أحب أناقش معاه ﻻنه في النهاية في صفهم يوم اباه يكلمهم أحس يخاف وشاري رضاهم بعد كل هالعمر يبي يتزوج العروس بياجر لها بيت بين يبني لنا فيلا ويجمعني انا وهية فيها والفيلا يبالها سنين تتبني وانا مب مشكلة اسكن عند اهله عادي بس لو اتزوج هيه ﻻء خصوصا انها بتكون موظفة كيف تسكن معاهم وتؤوح تفضحهم بالشغل مثلا ﻻﻻء الف ﻻء تسكن في ايجار عادي وين العدل وبعد كل هالصبر يبى يحط ع راسي حرمه عشان تزيد الشماته كلمته بالحب بالطيب بالعربية بك الأشكال باجر لنا راااااافض تماما كان موافق بس اكتشفت متأخر انه امه حلفت عليه فخلاص مارح ياجر لنا
صح يصرف علينا ويحاسب حساب عسير ع المصرف وممكن هادي بس طول الوقت ينتقد كل شي ولسانه معاي زفت ومع الحريم الي يرى ينقطع عسل ابدا ما يمديني وﻻ يجامل وﻻ حتى يدلاني إلا يوم العلاقة أو يوم أكون معصبة موت اونه يركب الجو أقول لكم موقف كل ما ذكرته احتقره ولدي كان بالعناية يوم كان صغير والممرضة تقول له مستر فلان اشتري ﻻم فﻻن ورده اليوم يوم الحب رد وقال لها اوفر العشر دراهم الوردة بتموت وتذبل يالله هالكلام من 3 سنين بس لين اليوم أذكره...زميلته بالعمل حرمة ياني يقولي شو اشتري لها هدية حلفت ما يأخذ لها شيء واستحقرت الموقف ومادري اشتري وﻻ ﻻ
انا مب شينة صفاتي ربة بيت درجة أولى تضحي بكل شيء عشان عيالي ماحب اللف والدوران أحب الصراحة ولما اكون صريحة الاقي السنة لهب ما توقف وخصوصا من أهله ومنه جسمي مرتب ما شاءالله رغم أني حملت ولدت ولين اليوم محافظة على نفسي اكشخ وألبس له كله ساتر طبعا ﻻنه مافيه خصوصية متعلمة وعندي لغة كنت بيضة يوم من الأيام صرت بيضاء بس بياض باها تسع سنوات ذقت فيهم أصناف الذل من أمه خواته وانا منطقة وساكتة ﻻ صوت وﻻ شيء اشكي له واعتمدت عليه لقيته مايل لهم بس آخر مرة فجرها وقالها لي انأي شو سويتي لي أنا لي مع أهلي عمر ربوني كبروني عطوني انتي شو سويتي لي ما سويتي لي شيء أن كان ع دورج كزوجه هذا واجب كل حرمة وياليت اهله يحبونه كقر ما يحبهم ﻻ والله والله الي هو االله انهم ماحبوه وﻻ فكروو فيه وترى عيالي منبوذين رغم أنهم يجنون تبارك الله عليهم بس شو نقول حسبي الله ونعم الوكيل لي فترة أحن عليه ابى بيت والحين وصلت جدي كثر الله خيري ع صبري لي حق اطلب الطلاق وﻻ ﻻء عمري يروح بيت غسيل وطبخ ومراعاة اوﻻدي ومدخنه في البيت لو رحت أي مكان آخذ عيالي ﻻنه ماحد يبى يمسكهم وزوج كل همه يتزوج علي وأهل زوج كل همهم يذلوني ويعرفون كل شيء عني ومالي حق اعرف شيء عنهم في قسمي طول اليوم وعيالي لو نزلو ينضربون وينسبون من عيال عمهم والعمأت الله بالخير غاسلين أيديهم وزوجي يبى يتزوج يرتاح من مشاكلنا يدور الرومانسية الريال تعب ومال وانا تعبت وفكرت وعزمت أمري اروح المحكمة اطلب الطلاق ﻻني بديت اتأكد انه عمري معاه خسارة وهو ع قولته يبى يلحق يتزوج قبل ﻻ تروح عليه انا اربي وأكبر واتعب وهو كل همه اني أوافق ع زواجه وأنه يبى يتزوج وأي شيء ثاني بالطقاق؟؟؟؟؟
فيدوني ﻻني صدق أحس نفسي في دواااامة.
ﻻ وحده تقول كلميه ﻻ وألف ﻻ هو رافض السكن بره يبى ملك وﻻ يقدر يشتري وﻻ هم يحزنون الحل خواتي