أريد حل يا سمو الأمير سلطان بن سلمان ( رسالة من مواطنة )

الحكومة مره تعبنا منها وظائف قحط
ولما يكون فيه وظائف تكون فيها ذل وتعب وتبدى المرحلة الثانية من المعاناة

أختي أنا البنات التي ترفض الوظيفة خارج الرياض طبعا تخرجت من ألجامعه وضعت لي هدف معين



أني أبغى وظيفة إدارية معي بكالوريوس دراسات اسلاميه ومتطوعة في إحدى الدور أخذت دبلوم في الأعمال الإدارية والكمبيوتر وأيضا مجموعه من شهادات تطوير قدرات الذات والآن أسعى لأخذ شهادة الـ cdl


قدمت على وظيفة في الهيئة العليا للسياحة بناء على خبر وصلني أنهم بحاجه إلى وظائف


وكان تقديمي في بداية شوال طبعا قدمت الأوراق وأنا تقريبا اتصل يوميا اسأل وش إخبار الوظيفة وطبعا كانوا جدا معشميني بالوظيفة


سويت مقابله وقالت كم راتبك( وكنت في وظيفة بسيطة ب800ريال وتركتها واشتغلت في دار )


فقالت الراتب إلي بنعطيك أكثر من كذا وإلا قريب منه وسكتت


وقالت معك لغة قلت لا هذا ألشغله الوحيدة الي ما قدرت عليها حتى أني مسجله دورة إنجليزي في أكاديمية الجزيرة لمدة 8شهور وخليتها ممكن تكون عقده ما أدري


قالت عندك استعداد يكلمك الرجال بالتلفون قلت مستحيل ديني ما يسمح لي وهذا إلي خلاني رافضه البنك


وانتهت المقابلة مع التعشيم في الوظيفة والانبهار من كثر الشهادات وهالكلام


وأنا مستمرة كل يوم مكالمة مره الأوراق بتروح للموارد البشرية توقع عليها مره استني الأمير سلطان بن سلمان يوقع عليها لأنه الحين مسافر وتعالوا اسمعوا الأعذار مع الطلب أني ما اكلم بس أنا أقول لهم أنا ما تعودت أقدم أوراقي وأنساه وإذا بغيت شي أسعى أني آخذه

والنهاية اتصلت عليهم واطلبوا صندوق البريد في تاريخ 4صفر 1427


عشان يرسلون أوراق لي


وكل يوم السائق عند الصندوق ووصلت الأوراق بعدها ب ثمان أيام تقول أنهم يعتذرون

أولاً : ليش فيه ناس متقدمين معهم شهادات أكثر مني (على أني في خلال هالاشهر إي شهادة يبغونها اخذ دوره فيها
وأرسلها بالفاكس رأسا ) ويقولون فيه ناس معها ماجستير ودكتوراه وماستر وارفضوهم أنا مادري من
بيقبلون .

ثانيا : أني ما معي لغة يعني كل هالشهادات ما ملت عينهم وأنا طالبه وظيفة أداريه ما طلبت شي كبير

ثالثا : ما تتوفر عندهم وظيفة بمؤهلاتي وارجع أقول أنا طالبه وظيفة إدارية على الكمبيوتر ومتعلمة عليه
إنجليزي وعربي


رابعا : أني رافضه اكلم رجال


وش رأيك يا سمو الأمير بمعاناة بنت الوطن التي قدمت كل شي ولم تحصل على شي أرجو من معاليك التدخل لحل
هالمهزله الي تحصل في الإدارة عندك.


منقول من الساحات
عن جد رحمتها لاني مريت بمعاناتها