أسألكم بنات مين الغلطان انا والا زوجي؟؟؟؟ يابنات ادخلوا متنكده قسما بالله....!/معدل

لي 3 ايام اراكض بالسوق مع زوجي
عشان لبس العيد.. وعند اهل زوجي عرسين الاسبوع الجاي
وبدلات لولدي ابو3 شهور..

والحمدلله خلصت البارح..
وزوجي ماشاء الله ماخلى بقاصري شي..
المهم وحنا راجعين قال لي زوجي: ماشريت لبس للامي!
لانه متعود كل عيد يشري لها ملابس..
قلت له فيه الحين على طريقنا مجمع حلو ولسى الساعه ثمان..
قال: توك تتذكرين!!! كان ذكرتيني قبل!!!
قلت له والله من الحوسه ماطرى على بالي وانت اللي المفروض تتذكر لانها امك مو امي

المهم..
رجعت البيت وجلست انظف بعدين دخلت اسوي السحور
رغم اني تعباااانه وعلى وقفتي من الصبح..
وجاء زوجي يأكل.. وحنا عالسفرة قال لي منين هالحلق؟

انا كنت لابسه حلق نعوم وصغير مرررررره..
قلت له هديه من واحد.. وابتسمت.،
قال: من ابوك والا اخوك؟
ضحكت وقلت: لا من بياع بمحل..
لاني شريت طقم ذهب بخمس الاف
فعطوني الحلق هديه معه..
قال: وين هالطقم ماشفته؟
قلت: مو لي.. هديه لامي.. شريته وقت ماكنت عند اهلي..

هنا هو عصصصصصب..
وقال: ليييييييييه ماعلمتنيني؟؟
انتي ماتستحين.. كتومه بكل شي..
وخصوصيه ومدري ايش..
وانا اعلمك بكل شي يخص علاقتي بامي..
يا انانيه يا لئيمة يا اللي كريمه مع اهلك وبخيله معي..


قلت له: وش هالكلاااام؟!!
انا شريته لامي بنفاسي.. وكنت وقتها ببيت اهلي..
ولا جت مناسبه اقول لك.. واصلا مو مضطره اعلمك..
لان هالشي خاص بيني وبين امي..
علما بأني والده لي 3شهور بس.. وامي تعبت مررره بنفاسي الله يحفظها ويطول لي بعمرها..

قال لي: انتي لو فيك خير كان شجعتيني اسوي مثلك!
وانتي بسبتك نسيت اشتري لامي.. وبسبه مشاويرك واغراضك..
قلت له: حرام عليك انا ماعمري حرضتك على امك..
قال: ولا تقدرين تحرضيني عليها لا انتي ولا عشره مثلك..
واكل وقام..



لميت انا الاكل وجلست انظف المطبخ..
ورحت ابنام لاني داااااايخه من التعب..
لقيته مننظرني بالصاله..
قال لي: تعالي بكلمك..
جلست والا يقول بهدوء: اقسم بالله ان امك غاليه عندي..
ولو قلتي لي كان انا اللي بنفسي شريت لها..
قلت له: ادري بس انا حبيت تجيها الهدية من بنتها.. هالشي يفرحها اكثر..
وانا اذا بهدي امي فراح اهديها من مالي الخاص..
لاني ادري انك ماراح تقصر..
وانا والله لا انانيه ولابخيله.. وبنفس مشوار السوق شريت لك الساعه البنيه ب3600ريال..
وفعلا يابنات انا شريت له ساعه فخمه..
وهالفلوس ذي كلها جتني هدايا بولدي الله يحفظه..
وحبيت افرح امي وزوجي فيها..
واساسا وانا بالنفاس جاني 10 الاف ريال هدايا من الناس..
واقسم لكم بالله العظيم إني حطيتها بظرف وقلت لزوجي يأخذها..
لكنه رفض وحلف.. وقال هالفلوس لك.. تصرفي فيها وفكيني..
وانا لا حطيتها بحسابي ولا جلست اتدلع فيها..
شريت فيها لامي وله ولولدي..

لكن برضو راكب راسه وغصب انا غلطانه لاني ماعلمته..
مع اني يومها قلت له اني بروح السوق ووافق..
بس ماقلت له اني خلال الروحه شريت ذهب لامي..
وانا احيانا افزع مع اخوي بفلوس برضو ولا اعلمه..
لان هالشيء ما اشوف الزوج مهم يعرفه..
ولاني ما ابيه يساعدني بهالامور ابدااااااا.. والرجال مو ملزوم بأهلي..
يعني نيتني زينه قسما بالله..
وقلت له: احمد ربك ان زوجتك باره بأمها وأهلها.. لا انا اللي هايطت باللي سويت..
ولا انا اللي تصرفت بالفلوس لنفسي.. مع ان هذي الانانيه الصدقية..
ولا انا اللي استغليت وضعك وحملتك فوق طاقتك..


وقلت له بهدووووء: انا عارفه انك متضايق لانك ماشريت لامك..
بس لاتحملني المسؤوليه ولاتخلي هالشي حجه للتجريح فيني..
بعدين معك بكرا كلللللللله يمديك تشتري الف شي وشي..
أحسن ما تأخذ لها شيء عالسريع ماتكون مقتنع فيه..


قال لي بس خلاص روحي نامي..
انتي اساسا خايفه اعرف عشان ما ادري ان معك فلوس..
وانتي اصلا انانيه ماتفكرين الا بنفسك..
حتى ولدك لو الله ماغرس فيك الامومة والا كان ما سألتي عنه..!!





اضافة صغيره:
علاقتي مع ام زوجي الحمدلله كويسه..
وهي كبيرة بالسن وتعاملني باحترام وطيبه..
وانا دايم اذكر زوجي يكلمها.. وهو طبعا متعلق بأمه مرررره..
وبالنسبة لامي.. فزوجي يحترمها.. واذا سافرنا يشتري لها زي مايشتري لامه بالضبط..
بس كلامه جرحني..
ورحت انام وانا زعلانه.. وهو جاء نام وبرضو كان زعلان..
مدري مين معه الحق انا والا هو ؟!!