أستأمنتها بيتي و خانت الأمانه شورو علي وش اسوي معها

السلام عليكم ورحمة الله
والله يا بنات احس أني مقهورررره وشاب في قلبي نار مو على أغراضي بس من القهر كيف استغفلتني وسرقت أغراضي

القصه اني في غربه وما عندي شغاله وعندي اطفال وأحيانا يكون عندي طلعه او شغل واحتاج اطلع وابي احد يجلس عند الصغار

المهم تعرفت هنا على وحده من جنسيه عربيه تدرس دكتوراه محجبه وشكلها محترمه طرحت عليها فكره انه اذا عندي مشوار تجي تجلس عند الصغار
وبعد تساعدني في تدريسهم طبعا بأجر مو بلاش

وافقت وصارت تجي عند اطفالي وهم كبار مو صغار اكبر وحده 12 واصغرهم 5 سنين

المهم صارت تجي وتروح علي واعطيتها بعد مفتاح بيتي عشان اذا كنت مو موجوده تدخل قبل لا يجون عيالي من المدرسه

السالفه اني بديت احس ان فيه اغراض لي فقدتها من البيت
بس قلت يمكن مندعسه من هنا والى من هنا

بس الحين تأكدت انها مو موجوده وما في احد يدخل بيتي غيرها
تأكدت لأن خلاص انا برجع للسعوديه وضفيت كل عفشي وفضيت كل مكان بس ما لقيت اغراضي
اللي هي جوالي حق السعوديه وفيه كل ارقامي ورسايل خاصه جدا
والله يا بنات سعره 2500
وبعد تعليقتين ذهب ووحده من جوسي كاتور
وحجاب فرزاتشي مقهوووووووووووووووووره عليه
وبلوزه من زارا جديده ما بعد لبستها
يمكن هألاغراض بسيطه بس والله الفكره نفسها أنها مدت يدها وسرقت
مظايقتني
وهذا وأنا مكرمتها و أعطيها كل شي وما قصرت معها بشي ابد

اللحين انا مسافره خلال اسبوع وما ودي امشي السالفه
زوجي يقول اتركيها وخليها على الله يأخذ حقك منها

وانا ابي ابين لها انها ما أستغفلتني واني عارفه انها سرقتني
ومو لأن ربي منعم علينا وعندنا كل شي معناته ان احنا ما نفقد أغراضنا وما ندري وش عندنا وش ما عندنا
هي اللحين متوقعهأني اكلمها واقولها تعالي خذي الاشياء الزايده عندي في المطبخ لأن هي قالت انها تبي كل شي زايد عندي

وأنا ودي أقولها اني عارفه وش سوت بس مدري وش أقول

ولا أسكت وبس وأخلي ربي يأخذ لي حقي

وش اريكم شورو علي