كوبونات الراقية تسجيل الدخول

انثى في عالم حواء

أستاذ يجبر تلميذه على لحس حذائه

الملتقى العام •

سلامُ عليهم بعد ماجفونا وقلبي بيديهم وهم أنكرونا

سلام عليكم ياخوياتي...وش لونكم ..يارب أبيض..
إذا رمادي..ترى كلوركس زين لإزالة البقع العنيده....:icon20:

(((وش هالمقدمه الإعلانيه)))




بمناسبة العوده ............





والله ماني قادره أكتبها......




وععععععععععععععع:09:






بمناسبة العوده للي ماتتسمى....





هذه إللي يسمونها...........




آآآآآآآآآآآآآآآآآآه ياقلبي ودي أفجرررررررر فيها....:44:









خلاص بأقولها ....بمناسبة العوده للنكد والآآآآآآآآآه
والله نكد وتعب وغثا مال أمه داعي...

المدرسه قررررررررربت..والإجازه قصيره حييييل..
والله جد ما إنتوا ملاحظين....
أحس قبل إسبوع خلصنا إختبارات...



فكوني عليهم..أقولكم فكوني عليهم ذولاء المدرسين والمدرسات...
ياحرمه سيبيني عليها...خليني أتوطأ في بطنها..

طيب خلاص بس عشانكم عفوت عنهم..

بأقولكم اليوم سالفه....معذبتني....
والله قلوبكم بتعوركم...صدق والله..

شوفوا ياجماعه...أخوي سنه خامس إبتدائي..
طالع علي...أحتاج سنتين وقرصه..عشان تدخل المعلومه برأسي...
أستاذه ...إللي يدرسه رياضيات...عصبي...
بداية السنه الماضيه كثير من أولاد الحاره..نقلوا من المدرسه بسبب هالمرعب الأستاذ أحمد...
أخوي جاته نوبة خوف من كثر مايتكلمون الأولاد عن عصبيته...
ورفض يروح المدرسه...وبس يبكي...
وأبوي رفض ينقله..لأنه ماحد فاضي يوديه ويجيبه..
قلت له:الأستاذ يعصب على الكسالى وإنت شاطر..طالع علي..
قال:وهذا إللي معقدني في حياتي إني طالع عليك..
((لا تخافون علي..قمت بالواجب وأكثر..مع أخوي..بسبب هالرد)):024:
وهو ماهو راضي يروح...
وبعد إسبوع..أبوي راح معه..وكلم هالأستاذ وقاله ولدي فهمه بطيء..
ياليت تشرح أكثر من مره الله يعطيك العافيه..
قاله:يصير خير..





ومرت الأيام...والسنون ..والضروس ((داخلين عيادة أسنان))

وفي إحداها.....



كان يوم الإثنين..دايم أصحى على هواش أخواني الصغار...
هالمره صحيت على صوت أخوي يبكي...
((..أنا مره كتبت إني ما أصحى إلا بالمويه البارده..لا الحمدلله تحسنت حالتي أبشركم صرت أصحى بالصوت العالي))

المهم...قلت له وش بلاك تبكي...
كأني أكلم جدار مايرد ولاحتى يطالع فيني..

قلت :عساك مارديت((بالله مو أخت حنونه..بسم الله علي)):biggrinlo

وكملت نوم...بس لما طلعته برا...
ولما صحيت ...إيه صحيت على هوشه بعد..((الناس يصحون على صوت عصافير وأنا على هوشات))

....رحت وقلت خير ..الواحد مايعرف ينام في هالبيت..
يممممممممه..أخوي مازال يبكي..
مسكته من شوشته...وقلت:وبعدين معك..إذا مسوي مصيبه قول... طلعت مع وحده..:mad:

للأسف..أمي مسكتني من شوشتي..وقالت..ضفي وجهك سوي العشاء..
((والله حرام شبابي يروح في الإضطهاد..أقول ضفي وجهك))

المهم..

بسبب الحاله إللي هو فيها...غاب عن المدرسه وماراح..

طبعا..الأساليب القديمه للتربيه بطلنهاها...أسلوب الدلع والحضن..وحبيبي وش فيك زعلان...هذه قديمه ماتنفع معانا..

مسكته أمي وقالت:والله إن ماقلت وش فيك..لأسريك اليوم المستشفى...
وأنا طبعا..من الجماهير مع إخواني ..إيوه يا أمي إديلوه..
ولكن للأسف ..أدتني أنا...ماني قايله وش أدتني..إنتوا أدرى..

المهم ...((أتحداكم تحسبون كم مره قلت المهم))

ماعلينا..المهم..
وأخيرا....ظهر الحق..لا إله إلا الله...
أخوي ...بعد الضغظ الشديد عليه إنفجررررر...
إنالله وإنا إليه راجعون...
تستقبل التعازي...((الظاهر رجعت لي الحاله..الله يعينكم))

أخوي قال:شوفي ...شوفي إرتحتي...

والله ...أقسم بالله ياجماعه...على قد ماشفت أثر لضرب...
ماعمري في حياتي سبق وشفت مثل هالأثر..
الأستاذ أحمد ..سي السيد ..ضربه هو وبعض أصحابه..

تدرون ليه ضربه؟؟؟؟لأنه شرح المسأله...وأعطى مثال.وقال :كلكم تحلونها وإللي مايحلها بألسعه؟.....

أخوي يقول..أنا كنت فاهم شوي..ولما قال هالكلام..نسيت كل شي...
وأصحابي إللي جالسين ورى...كلهم مافهموا

وبعدين جمع الأوراق...ونادانا كلنا إللي ماحلينا...
حتى ما سألنا ليه ماحليتوا...
وقال لواحد من الطلاب:قوم بسرعه جيب اللي من الحارس؟؟؟؟
بنات,,تدرون وشهو اللي ..اللي إللي يستخدمونه في نقل المويه((أموت أنا في الشرح))
وقاموا الطلاب يبكون....ويقولون:الله يخليك أستاذ لاتضربني الله بخليك..
أبوي أمس ضربني الله يخليك...
والثاني يقول:يخلي لك أمك يا أستاذ..الله يوفقك لا تضربني..أنا غبي ما أفهم..ويبكون ويترجونه..
وهو يقول:أس ولاكلمه...إللي يفتح فمه أزيده...

وجاب الولد الشاطر اللي...وطااااااااااح فيهم تشميط وضرب بدون رحمه...
ضرب أخوي في ركبته..وصار له كم يوم يعرج...
ولما نسأله يقول..طحت على ركبتي..

ولما قلت له:ليه تكذب....؟؟؟:angry2:
قال:الأستاذ مهددنا إللي يعلم أهله يرسبه ويزيده ضرب...

أي أستاذ هذا إللي قلبه كذا..
على طووووووول رحت لأبوي وقلت له...
قال:ذاكري له هالماده زين وحضريها له..لاتخلينه يروح المدرسه إلا وهو
فاهم الدرس كأنه أخذه...

وسويت إللي قاله أبوي...
جاء أخوي من المدرسه..وأنا أذاكر له..يحاول يخفي إصباعه الإبهام عني...
ولما سحبت يده...أقسم بالله يابنات ..إصبعه أخضر....
تورم إصبعه وما هو قادر يحركه...
جلست أبكي من القهر...
قلت له:مين ضاربك هالمره...
سكت :قلت له والله لأقول لأمي...((أمي رعب في البيت))
قال:الأستاذ أحمد..
قلت :أنا شرحت لك وفهمتك ليه هالمره يضربك؟؟
قال:طلعني على الصبوره قدام العيال ويقول حل ياحمار...
والعيال يضحكون....جلست أبكي وما عرفت أحل...
جاب المسطره الخشب..وضربني أنا وبعض العيال...

قلت :وأنا بنت أبوي..والله ما أخليه ...أكيد الإداره مايدرون عنه...
وأروح أقول لأبوي..وقال:أنا بكره رايح أتفاهم مع الأستاذ...

قلت في نفسي...مستحيل يا أنثى ستار..تمررين هالضرب على خير..

وأسوي نفسي تعبانه..إلين ما أقنعت أمي إني أغيب...




لا إنتي و وجهك..مارحت مع أبوي....


خليتهم لما يروحون وأمسك التليفون...
وأدق على مدير المدرسه..وأطلب المدير بكبره..((شخصيه ياأنثى))

ومن الكلام إلي قلته له...شوف أنا مارسلت ولدي لكم عشان تضربونه...رسلته عشان يتعلم...((مسويه نفسي أمه))

وقال:مايصير خاطرك إلا طيب أعطيني إسم الأستاذ..:S_45:
وأعطيه إسمه وإسم أبوه بعد....


وأبوي لما راح....على طول دخل للمدير...وإشتكى..
قام المدير قال...تصدق...توني مقفل من أم تشتكي من نفس الأستاذ إنه ضرب ولدها..


والمدير جمّع المشرفين كل أبوهم والمرشد الإجتماعي ...
وخلاهم يشوفون الضرب..كلهم إستغربوا...وعصبوا...

وطاااااحوا تهزيء في الأستاذ...:booo:

ومن بعدها صاير يكتفي بجرح المشاعر...

ليه كذا ليه؟؟؟
آآآآآآآآآآه ليتني ولد وأدرس مع أخوي والله لأربي هالأستاذ..

ماعلينا....أكيد مرت عليكم مواقف مشابهه....حكوني ..
وأبي موقع يستقبل الشكاوي...تابع لوزارة التربيه والتعليم...


ياااااااااااااكثر الشكاوي في الجرايد...تذكرون..سالفة الأستاذ إللي خلى الطالب يلحس حذيانه ..الله يكرمكم..هذه نزلوها في جريدة عكاظ؟؟؟


يالله أبي تفاعل وحماس... .ونبي نفكر وش نسوي في الأساتذه إللي من هالنوعيه...ممكن مثلاَ نفجر فيهم..وإلا نرميهم بآر بي جي ...

ومع السلامه ياحبة عيني:
22
2K

يلزم عليك تسجيل الدخول أولًا لكتابة تعليق.

تسجيل دخول

زائرة •
...
..
.

الله يكسر يد المدرس

وفديت يد الصغير واصباعه

....

يقول إبراهيم طوقان :

شوقي يقول وما درى بمصيبتي
قم للمعلم وفه التبجيلا

اقعد فديتك هل يكون مبجلا
من كان للنشء الصغار خليلا

ويكاد يفلقني الأمير بقوله
كاد المعلم أن يكون رسولا

لو جرب التدريس شوقي ساعة
لقضى الحياة شقاوة وخمولا

حسب المعلم غمة وكآبة
مرأى الدفاتر بكرة وأصيلا

مائة على مائة إذا هي صلحت
وجد العمى نحو العيون سبيلا

ولو أن في التصليح نفعا يرتجى
وأبيك لم أك بالعيون بخيلا

لكن أصلح غلطة نحوية
مثلا واتخذ الكتاب دليلا

مستشهدا بالغر من آياته
أو بالحديث مفصلا تفصيلا

وأغوص في الشعر القديم فأنتقي
ما ليس ملتبسا ولا مبذولا

وأكاد أبعث سيبويه من البلى
وذويه من أهل القرون الأولى

فأرى حمارا بعد ذلك كله
رفع المضاف إليه والمفعولا

لا تعجبوا إن صحت يوما صيحة
ووقعت ما بين البنوك قتيلا

يا من يريد الانتحار وجدته
إن المعلم لا يعيش طويلا

...
..
.
LEDY
LEDY •
وي يا امي !!!

ياحبيبتي كل موضوع لازم توجعي قلبي :)


ايش هادا .. مافي قلبو رحمه !!!


ولا كمان مدرس .. كيف ؟؟



شوفي يا حبيبتي انا ماراح اتكلم دحين عن هادا المدرس !!!


راح احكيلك عن حاجه ما احوبها !!!


بالمررررررره ما احوبها !!!



وهيا ...


العوده الى اللي مايتسمااااااااش



فعلا حاااااااااجه مقرفه !!!!



تخيلي ..


انا يوم كونت صغيره كونت احوب المدرسه ولا في مشاكل بالمررررره


بس كانت المشكله في اول يوم من الدراسه << هادي حاله تحصلي لما اخلص اجازة وبدايه اول يوم دراسي !!


دحين اقولك ايش هيا الحاله :)


طووول الوقت نفسي في طرف خشمي !!!


داااااائما يوجعني بطني وقلبي !!!!


مااحوب آكل حاجه !!!!


ابكي وابكي ..


وازا كونت راح ارجع لنفس المدرسه تستمر هادي الحاله معايا مع اول يوم بس !!!


وازا كانت لمدرسه جديده تستمر معايا اسبوع !!!


واتزكر يوم روحت لمدرسه جديده في تالت تانوي كونت ابكي وابكي .. مو عاوزه اكمل !!!


تخيلي ..

لما روحت اول يوم .. رجعت وانا ابكييييييي وقولت لامي خلاص ماني رايحه وماني مكمله دراسه !!!


ورميت شنطتي ونمت الين المغرب وقمت من النوم وانا فرحانه اني مو مكمله :)


وبعدين قالت لي امي واوختي الكبيره وقعدو يفهمون فيا ان هادي الحاله بس عشان ماتعرفي احد ووو الخ


ورحت تاني يوم .. وما خلص الاسبوع الا والحمدو لله كل شي تمام وعندي 10 صديقات !!



ويوم روحت الجامعه وي وي وي


سويت نون ومايعلمون !!!


قلبت البيت بكااااااااااء وصار بالبيت اضطراب ماعمري شفتو !!!


امي بالمرررررره قلقاااااااانه وتكلم اخواتي وهي مو عارفه ايش تسوي !!!!


ودحين انا بالجامعه وازا قرب موعد يحصل فيني حاجات زي البكاء وما احوب اكلم احد ووو الخ



بس يروح اول يوم اصير اوكي !!!



بس آآآآه ما احوووووووووب الدراسه وجوها يوجعني بطني :(



الاجازة بالمرررررره قصيره !!!!


ابي شهر كمان !!!


بس شهر واحد وبس !!



ودمتي ..
انثى في عالم حواء
انثى في عالم حواء •
LEDY LEDY :
وي يا امي !!! ياحبيبتي كل موضوع لازم توجعي قلبي :) ايش هادا .. مافي قلبو رحمه !!! ولا كمان مدرس .. كيف ؟؟ شوفي يا حبيبتي انا ماراح اتكلم دحين عن هادا المدرس !!! راح احكيلك عن حاجه ما احوبها !!! بالمررررررره ما احوبها !!! وهيا ... العوده الى اللي مايتسمااااااااش فعلا حاااااااااجه مقرفه !!!! تخيلي .. انا يوم كونت صغيره كونت احوب المدرسه ولا في مشاكل بالمررررره بس كانت المشكله في اول يوم من الدراسه &lt;&lt; هادي حاله تحصلي لما اخلص اجازة وبدايه اول يوم دراسي !! دحين اقولك ايش هيا الحاله :) طووول الوقت نفسي في طرف خشمي !!! داااااائما يوجعني بطني وقلبي !!!! مااحوب آكل حاجه !!!! ابكي وابكي .. وازا كونت راح ارجع لنفس المدرسه تستمر هادي الحاله معايا مع اول يوم بس !!! وازا كانت لمدرسه جديده تستمر معايا اسبوع !!! واتزكر يوم روحت لمدرسه جديده في تالت تانوي كونت ابكي وابكي .. مو عاوزه اكمل !!! تخيلي .. لما روحت اول يوم .. رجعت وانا ابكييييييي وقولت لامي خلاص ماني رايحه وماني مكمله دراسه !!! ورميت شنطتي ونمت الين المغرب وقمت من النوم وانا فرحانه اني مو مكمله :) وبعدين قالت لي امي واوختي الكبيره وقعدو يفهمون فيا ان هادي الحاله بس عشان ماتعرفي احد ووو الخ ورحت تاني يوم .. وما خلص الاسبوع الا والحمدو لله كل شي تمام وعندي 10 صديقات !! ويوم روحت الجامعه وي وي وي سويت نون ومايعلمون !!! قلبت البيت بكااااااااااء وصار بالبيت اضطراب ماعمري شفتو !!! امي بالمرررررره قلقاااااااانه وتكلم اخواتي وهي مو عارفه ايش تسوي !!!! ودحين انا بالجامعه وازا قرب موعد يحصل فيني حاجات زي البكاء وما احوب اكلم احد ووو الخ بس يروح اول يوم اصير اوكي !!! بس آآآآه ما احوووووووووب الدراسه وجوها يوجعني بطني :( الاجازة بالمرررررره قصيره !!!! ابي شهر كمان !!! بس شهر واحد وبس !! ودمتي ..
وي يا امي !!! ياحبيبتي كل موضوع لازم توجعي قلبي :) ايش هادا .. مافي قلبو رحمه...
مشكوووووور حلال المشاكل والقصيده...وناسه..ليت الأساتذه المتخلفين ينتحرون...مال أمهم داعي في الحياه...


ليدي ...بعدي والله ياحجازيه...أمووت في اللهجه...
تصدقي ..حبيتك...لحظه..لحظه...لاتاكليني..في الله حبيتك...
والله نفس الحاله...مغص وخوف وبكاء((الحمدلله والشكر كأنا ورعان)):hahaha:
للتوضيح..ورعان يعني بزوره...
يااااااااااااااااااحبي لك...
ودمتي إنتي ياقلبي
عاطله
عاطله •
سلمت يداكي يا انثى والله حراااااااااام ها الاشكال تدرس او يصبح مسماها معلم على تلك السلوكيات .........التعليم تربيه قبل ما يكون تدريس........
لـمـار
لـمـار •
انثى في عالم حواء انثى في عالم حواء :
مشكوووووور حلال المشاكل والقصيده...وناسه..ليت الأساتذه المتخلفين ينتحرون...مال أمهم داعي في الحياه... ليدي ...بعدي والله ياحجازيه...أمووت في اللهجه... تصدقي ..حبيتك...لحظه..لحظه...لاتاكليني..في الله حبيتك... والله نفس الحاله...مغص وخوف وبكاء((الحمدلله والشكر كأنا ورعان)):hahaha: للتوضيح..ورعان يعني بزوره... يااااااااااااااااااحبي لك... ودمتي إنتي ياقلبي
مشكوووووور حلال المشاكل والقصيده...وناسه..ليت الأساتذه المتخلفين ينتحرون...مال أمهم داعي في...
المفروض اى مدرس او مدرسه يثبت عليهم اى شئ يدل <على تخلفهم> ينفصل
لو ذا الشئ يصير كان اتعدلو
وحتى لو اشتكو اهالي التلاميذ وصارت مشكله طويله عريضه
اش نهايتها ؟؟؟ الناس ينسو ..
والمعلم على راس عمله ..
وانواع العقد النفسيه للطلاب..
اسمحيلي المفروض ينقل اخوك والله صحته النفسيه اهم
لاتقولو ينسى......
لو ب تفتكري في مشهد رعب واحد بس من دخلتي المدرسه بس واحد
ب تطلعي ب فلم
اختي كانت كل يوم هي وصاحباتها يخرجو من المدرسه بدري عشان يلطشو بنت مسكينه في الابتدائي
تدرون ليش















بنت الابله


والله اختي ما خلصت المتوسط وقعدت في البيت من شئ هين!! :(