أستحييي

السلام عليكم ورحمة الله وبركاته

خواتي اتمنى تساعدوني ومن دون تجريح ،، انا بنت وعلى وجه زواج ،، ومشكلتي استحيي كثيييييير بشكل ماتتصورونه ،، وهالشي ياثر سلبا على حياتي ،، وانا بتزوج واحد جريء واهله كلــــهم جريئين ،، ومتوهقه :(

استحي خصوصا بين الحريم ،، يعني ما اعرف كيف اسلم حتى !! اتخربط واتوهق ،، وماعرف كيف الضيافه يعني وش يجيبون اول شي قهوه عصير والحلا متى والشاي والماي آآآآآه متعقده من هالشي حيييل ،، مرررره مايحبون احد يستحي ،، وعندهم الصراحه بشكل فظيع واحيانا تتحول وقاحه ! عادي يعطون كلام قوي جدا وجارح في الوجه ،، وانا هبله ماغير ابكي لو احد خاصمني وما ادافع عن نفسي ،، وانا سوالفي على قدي ،، يعني بسيطه جدا ،، ماعف اسولف عن الملابس والماركات ! والروحات والجيات وما احب اطقطق على خلق الله وهم يحبون هالشي ،، وانا اظل ساااااكتــه ولا اقول كلمه :( ،،