أستحي من ايديني ... ساعدوني

حبيبتي هذي خلقة ربج .. وبعدين حلاتها الصبوع طويله و الله ناس وايدين يتمنون الصبوع الطويلة و العروق ماظني ترومين تخفينهن بس اهتمي بأيدج و اظافرج دايما و لا تحطين فبالج ان علشان ايدج كبيره يعني مب حلوه ..اهتمي دايما بأيدج علشان تبرزين جمالها

اختي الغالية ...انا مع اختي عود معطر ..هذي خلقة رب العالمين ..
حاولي تعتنين زيادة بايدينج وحاولي تستخدمين كريمات مركزة للعناية باليدين يمكن محتاجين ترطيب زيادة ...والله يهون عليج حبيبتي

هلاا

انا طول عمري احلم باصابع طوال ونحاف
احسه جماااال

لايهمك حيااتي
انتي جميلة

وسلامتك

حبيبتي بعطيج حل حلو يزيد من جمال ايدج

وحده من المنتدى الحلو هذا كتبت هالخلطه العجيبه

وهي حبة بطاطا مسلوقة ويا قشرها
اربع موزات تاكلينهم او تخلين حد ياكلهم المهم تاخذين قشور الاربع موزات
نصف لومية طعام ويا قشورها
كوب حليب طازج

تحطينهم في الخلاط وكانج بتسوين عصير
وبعد ما تستوي الخلطه اوكى تضعينها في علبه وتحفظينها في الثلاجه
وبعدين تاخذين منها لإيدج وريلوج لو حبيتي
على فكره هذه الطريقه جربتها انا وخواتي روعه واختي زادت عليها ملعقة قهوه وتمت تفرك ايدها شو الملمس رهيييييب ما شاء الله

ان شاء الله اكون قدرت اساعدج

وخبريني بالنتيجه

انا معاكم حلوه الاصابع الطويله
و
يا طيوبة الامارات افدتيني